Ադրբեջանը միայն պարտվում է, իսկ Գերմանիան եւ Հունգարիան՝ հաղթում

Ֆուտբոլի Գերմանիայի հավաքականը, մեղմ ասած, դաժան վարվեց Էստոնիայի ազգային թիմի հետ: Դժվար է ասել, թե ինչու գերմանացիները որոշեցին այդքան խիստ լինել էստոնների նկատմամբ, բայց փաստն այն է, որ Եվրոպայի առաջնության ընտրական փուլի C խմբում գրանցվեց ամենախոշոր հաշիվը՝ 8:0:

Այս խմբի մյուս խաղում հյուսիսիռլանդացիները մրցակցի դաշտում 1:0 հաշվով հաղթեցին բելառուսներին:

Մրցաշարային աղյուսակը հարյուր տոկոսանոց արդյունքով գլխավորում են Հյուսիսային Իռլանդիան եւ Գերմանիան, բայց առաջիններն անցկացրել են՝ չորս, իսկ գերմանացիները՝ երեք խաղ:

Արդեն տեղեկացրել ենք, որ E խմբում Ադրբեջանը Բաքվում խայտառակ հաշվով՝ 5:1, պարտություն է կրել Սլովակիայից, իսկ մյուս խաղում Հունգարիան 1:0 հաշվով շատ կարեւոր հաղթանակ տարավ Ուելսի նկատմամբ:

Այժմ Հունգարիան չորս խաղից հետո վաստակելով ինը միավոր գլխավորում է խմբի աղյուսակը: Խորվաթիան եւ Սլովակիան վաստակել են վեցական, իսկ Ուելսը երեք միավոր: Ադրբեջանը միավոր չունի: Հիշեցնենք, որ մի քանի օր առաջ, կրկին Բաքվում, Ադրբեջանը 3:1 հաշվով պարտվել էր Հունգարիային:

Top-News.am