Իսպանիան հաղթեց խոշոր հաշվով, այնպես, ինչպես ռումինները, նորվեգները, ավստրիացիները եւ սլովենները

Ֆուտբոլի Եվրոպայի առաջնության ընտրական փուլի F եւ G խմբերում կայացան հերթական հանդիպումները:

F խմբում կենտրոնականը Իսպանիա-Շվեդիա հանդիպումն էր: Մինչեւ 64-րդ րոպեն հաշիվը չէր բացվել, բայց Սերխո Ռոմոսը 11 մետրոնոցից գոլ խփեց, որից հետո արդեն Մորատան 11 մետրոնոց հարվածով հաշիվը դարձրեց 2:0, իսկ 87-րդ րոպեին Օյարսաբալը հաշիվը դարձրեց խոշոր:

F խմբի մյուս երկու խաղերում Նորվեգիան հյուրընկալվելիս 2:0 հաշվով հաղթեց Ֆարերներին, իսկ Ռումինիան 4:0 հաշվով՝ Մալթային:

Չորս խաղից հետո աղյուսակը 12 միավորով գլխավորում են իսպանացիները: Ռումինիան եւ Շվեդիան վաստակել են յոթական միավոր:  

G խմբի բոլոր երեք խաղերում գրանցվեցին խոշոր հաշիվներ:

Ավստրիան Սկոպիեյում 4:1 հաշվով հաղթեց մակեդոնացիներին, Սլովենիան Ռիգայում 5:0 հաշվով ջախջախեց Լատվիային, իսկ լեհերը իրենց դաշտում 4:0 հաշվով պարտության մատնեցին Իսրայելին:

Չորս տուրից հետո հարյուր տոկոսանոց արդյունքով աղյուսակը գլխավորում են լեհերը: Իսրայելն ունի յոթ, Ավստրիան վեց, Սլովենիան հինգ, իսկ Հյուսիսային Մակեդոնիան՝ չորս միավոր:

Top-News.am