Ազգերի լիգա․ Անգլիան՝ բրոնզե մեդալակիր

Պորտուգալիայում ավարտին մոտեցող ՈւԵՖԱ Ազգերի լիգայի եզրափակիչ մրցաշարում տեղի ունեցավ երրորդ տեղի համար հանդիպումը։ Մրցեցին կիսաեզրափակիչում պարտություն կրած Շվեյցարիայի եւ Անգլիայի հավաքականները։ Հիմնական եւ լրացուցիչ ժամանակում դարպասի գրավում չգրանցվեց։ Հետխաղյա 11 մետրանոցներով 6։5 հաշվով հաղթեց Անգլիան։

Հունիսի 9-ին կայանալիք եզրափակիչում Ազգերի լիգայի առաջին գավաթակրի տիտղոսը կվիճարկեն Պորտուգալիայի եւ Հոլանդիայի հավաքականները։ Հանդիպումը կմեկնարկի Երեւանի ժամանակով 22։45-ին։

Ազգերի լիգա, երրորդ տեղի համար խաղ

Շվեյցարիա - Անգլիա՝ 0:0 (0:0, 11մ՝ 5։6)