Ադրբեջանը Բաքվում պարտվեց Հունգարիային

Ֆուտբոլի Եվրոպայի առաջնության ընտրական մրցափուլի շրջանակներում E խմբում ընդգրկված Ադրբեջանի հավաքականը Բաքվում ընդունել էր Հունգարիայի ազգային թիմին:

Խաղից առաջ ադրբեջանցի ֆուտբոլիստները եւ հավաքականի մարզիչ Նիկոլ Յուրեւիչը վստահեցնում էին, որ անպայման կհասնեն հաղթանակի: Այլ կերպ էին մտածում Մարկո Ռոսսիի ղեկավարած թիմի ֆուտբոլիստները:

Արդեն ութերորդ րոպեին Վիլի Օրբանը խփեց Հունգարիայի հավաքականի առաջին գոլը: Գոլից հետո ադրբեջանցիները գնդակով ավելի շատ էին, բայց դրանից որեւէ օգուտ չէին կարողանում ստանալ:

Երկրորդ խաղակեսի ութերորդ րոպեին Վիլի Օրվանը հաշիվը դարձրեց 2:0: Ամենայն հավանականությամբ ութերորդ րոպեին Ադրբեջանի հավաքականը կորցնում է դիմադրելու ներուժը:

69-րդ րոպեին Մահիր Մեդվեդեւը հաշիվը դարձրեց 2:1, ոգեւորելով 11 հազար երկրպագուներին, բայց երկու րոպե անց Դավիդ Հոլմանը հաշիվը դարձրեց 3:1:

Նույն ենթախմբում կայացավ եւս մեկ խաղ: Խորվաթիան 2:1 հաշվով հաղթեց Ուելսին:

Երեք խաղից հետո վեցական միավորով մրցաշարային աղյուսակը գլխավորում են Խորվաթիայի եւ Հունգարիայի հավաքականները: Երկու խաղից հետո երեքական միավոր ունեն Սլովակիայի եւ Ուելսի հավաքականները:

Top-News.am