ՀՀԿ-ի «ջախջախիչ» հաղթանակի փխրունթյունը
Թեև իշխանական, մերձիշխանական և որոշ «ընդդիմադիր» ուժեր անընդհատ խոսում են ՀՀԿ-ի տարած «ջախջախիչ» հաղթանակի մասին, հաղթանակն այդ իրականում բավականին փխրուն է։ Նախ, ասեմ, որ ժողովրդին ջախջախելու մեջ որևէ լավ բան չկա, ոչ միայն բարոյական տեսանկյունից, այլև քաղաքագիտական։ Ժողովրդին հուսահատության հասցնելը կարող է շատ վտանգավոր լինել։
Բայց ինչևէ․․․ընտրությունից ընտրություն «հաղթանակն» իշխող ուժին տրվում է ավելի բարձր գնով։ Այս անգամ էլ Սերժ Սարգսյանն իրար դեմ հանեց իր իսկ թիմակիցներին, հանրապետականներին ստիպելով անզիջուն պայքար մղել միմյանց դեմ։ Ընդ որում նրանք պայքարում էին առանց որևէ երաշխիքի։ Այսինքն մրցում էին, գումար էին ծախսում՝ Սերժ Սարգսյանին իրենց հավատարմությունն ապացուցելու և նրան ծառայելու համար։
Եվ հիմա ստացվում է, որ պայքարի մեջ մտած այդ հարյուրավոր թեկնածուներից, որոնց մեջ մեծ էր հանցավոր աշխարհի ներկայացուցիչների, միջին և խոշոր գործարարների, թաղային հեղինակությունների թիվը, խորհրդարան անցան ընդամենը 5 տասնյակ։ Բա մնացա՞ծը։ Չէ՞ որ նրանք էլ են գումար ծախսել և մրցելով միմյանց դեմ ռեկորդային ընտրակաշառքներ բաժանել և այլ ճանապարհներով ռեսուրս ծախսել։
Արդյունքում նրանց փողերով խորհրդարան անցան համամասնական ցուցակները՝ ՀՀԿ-ին տված ձայների ընդհանուր հանրագումարով։ Եվ հիմա այդ մարդիկ դժգոհ են և պահանջում են վերադարձնել իրենց գումարները։ Լուրեր են պտտվում, որ դժգոհություններն այնքան շատ են, որ Սերժ Սարգսյանն անձամբ է ստիպված միջամտել, կաշառել այդ մարդկանց, որ այս խնդիրը հրապարակային քննարկման առարկա չդարձնեն։ Ասում են, որ Սերժ Սարգսյանը ստիպված է պաշտոններ խոստանալ այդ մարդկանց։ Բայց սա էլ է խնդիր․․․բարձր պաշտոններում այսօր պատահական մարդ չկա, բոլորն էլ իրենց պաշտոնը ստացել են Սերժ Սարգսյանի համար ինչ-որ բան անելու կամ նրան ինչ-որ ձևով մտերիմ լինելու շնորհիվ։ Եվ այսօր այդ մարդկանց նորերով փոխելը վտանգավոր է։
Մյուս կողմից էլ խորհրդարան անցածները շատ հնարավոր է իրենց պահանջները ներկայացնեն Սերժ Սարգսյանին, քանզի երբ օրը գա այդ 5-6 տասնյակ պատգամավորներից յուրաքանչյուրի ձայնից է կախված լինելու Սերժ Սարգսյանի ապագան և այդ մարդիկ այսօր այդքան գումար ծախսելով հասկանում են, ինչի համար են այդքան թանկ վճարել այդ մանդատի համար։
Սամվել Ստեփանյանի ֆեյսբուքյան էջից
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Հայաստանն ու Իրանն աշխատում են սահմանին երկրորդ կամրջի նախագծի վրա
Իրանի հարստացված ուրանի պաշարները միջուկային օբյեկտների փլատակներում են
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Արսեն Զախարյանի տրանսֆերային արժեքն աճել է
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Մարմնամարզության տղամարդկանց հավաքականը տուն է վերադառնում
Փեզեշքիանը և Մակրոնը քննարկել են Մերձավոր Արևելքում իրավիճակը
FoodexJapan սննդի և խմիչքների ցուցահանդես. հայկական գինեգործական ընկերությունները միասնական տաղավարո...