Որոշ իրադարձություններ հուշում են, որ իշխանության պատկերացրած վեթինգի ավարտին ունենալու ենք գործադիրի կողմից վերահսկելի դատական համակարգ
«Փաստ» թերթը գրում է.
«Բարձրագույն դատական խորհուրդը չի լինելու սոսկ մշակվող և շրջանառության մեջ դրվող օրինագծերի առնչությամբ եզրակացություն տվող կառույց. այն հանդես է գալու սեփական օրակարգով: Նման հայտարարություն է տարածել Բարձրագույն դատական խորհուրդը։ Կարևորելով դատական ռեֆորմի իրականացումը՝ ԲԴԽ-ն արձանագրում է. «Մենք ելակետ ենք ընդունում այն, որ դատական իշխանության նկատմամբ կա հանրության անհրաժեշտ վստահության պակաս, ինչը վերջին շրջանում փաստել է նաև միջազգային կանխատեսելի մեթոդաբանությամբ սոցհարցումներ իրականացրած ԵԽ փորձագիտական խումբը, և այս ամենի համատեքստում պատկերացնում ենք՝ հանրության ակնկալիքները Բարձրագույն դատական խորհրդից անհամեմատ մեծ են: Մի կարևոր վերապահում. Բարձրագույն դատական խորհուրդը համոզմունք է հայտնում, որ արմատական բարեփոխումների համատեքստում ոչ մի պայմանով նախապատվությունը չի տրվելու անհարկի ցնցումների, քանզի նաև միջազգային փորձն է վկայում, որ դատական իշխանության բարեփոխումներին միտված հնարավորինս անցնցում զարգացումներն են գրանցում միանշանակ հաջողություն՝ միայն հավասարակշռված, Սահմանադրության և միջազգային հանրաճանաչ նորմերին խիստ համապատասխան գործելու դեպքում»:
Թվում է՝ ԲԴԽ հայտարարությունը համահունչ է դատական ռեֆորմին նվիրված Նիկոլ Փաշինյանի մայիսի 20-ի ելույթին։ Սակայն այս հայտարարությունների ընդհանրությունը միայն երկու փաստի ամրագրումն է՝ որ դատական համակարգը չունի վստահության անհրաժեշտ ռեսուրս, ու անհրաժետ են արմատական բարեփոխումներ։
Սակայն այսքանով էլ ընդհանրություններն ավարտվում են, որովհետև ԲԴԽ հայտարարության մեջբերված հատվածից ակնհայտ է դառնում, որ բարձրագույն դատական մարմինը, ըստ էության, դեմ է վեթինգի կիրառմանը։ Հենց դրա մասին է «անցնցում զարգացումների» մասին շեշտված ընդգծումը։
Եթե անկեղծ լինենք, ապա առայժմ նույնիսկ իշխանության որևէ ներկայացուցիչ չի պարզաբանել, թե ինչ են հասկանում վեթինգ ասելով՝ սահմանափակվելով ընդհանրական ձևակերպումներով։ Համենայն դեպս, որոշ իրադարձություններ հուշում են, որ իշխանության պատկերացրած վեթինգի գործընթացի ավարտին մենք ունենալու ենք գործադիր իշխանության կողմից վերահսկելի դատական համակարգ։ ՍԴ անդամի պաշտոնի համար Վահե Գրիգորյանի թեկնածության առաջմղումը ու համառորեն պտտվող խոսակցությունները, որ ԲԴԽ նախագահի պաշտոնը զբաղեցնելու է իշխանության թիմից կամ առնվազն իշխանության համար լրիվ յուրային մեկը, հենց դրա մասին են։
Այս համատեքստում շատ կարևոր է, որ ԲԴԽ-ն կայունացնող գործառույթ ստանձնի, որը մի կողմից կերաշխավորի դատական ռեֆորմի իրականացումը, մյուս կողմից դատական համակարգը զերծ կպահի քաղաքական կոնյուկտուրայից։ ԲԴԽ հայտարարությունը միտված է այս հրամայականին, այլ խնդիր է, թե ինչքանով է դատական բարձրագույն մարմինն ի վիճակի իրականացնել այս առաքելությունը»,-գրում է թերթը:
Նյութն ամբողջությամբ կարդացեք թերթի այսօրվա համարում:
«Ուժեղ Հայաստանի» անունից հանդես եկող, ընտրակաշառք տալու, ստանալու մեղադրանքներով ձերբակալված 3 անձի...
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
Կենսաչափական անձնագրերը քաղաքացիներին հասանելի կլինեն 2026 թվականի աշնանը
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար
Բացահայտվել են ՌԴ-ից Հայաստան խոշոր չափերի` կանխիկ 72,6 մլն ռուսական ռուբլու ներկրման դեպքեր․ ՊԵԿ
Ռուսաստանն արգելել է «Ջերմուկի» ևս 1,1 մլն շշի վաճառքը
Ուկրաինան կարող է ստիպված լինել հաշտվել իր տարածքի մի մասի կորստի հետ
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Լոռու մարզի քրեական ոստիկանները սպանության դեպք են կանխել․ կալանավորվել է երեք անձ
Մենք ենք պետք Եվրոպային, թե Եվրոպան` մեզ