«Ռեալի» նախագահը կլինի ավտովթարում զոհված Ռեյեսի 11-ամյա որդու խնամակալը

Մադրիդի «Ռեալի» նախագահ Ֆլորենտինո Պերեսը ստանձնել է հունիսի 1-ին ավտովթարում զոհված իսպանացի ֆուտբոլիստ Խոսե Անտոնիո Ռեյեսի 11-ամյա որդու ոչ պաշտոնական խնամակալությունը եւ կմասնակցի նրա դաստիարակությանը մինչեւ տղայի չափահաս դառնալը, հաղորդում է իսպանական Marca-ն։

Խոսե Ռեյես կրտսերը հանդես կգա Արքայական ակումբի պատանեկան թիմում։ Նա խաղացել է «Լեգանեսում»՝ դառնալով Իսպանիայի պատանեկան առաջնության լավագույն ռմբարկու։

Հիշեցնենք, որ Խոսե Անտոնիո Ռեյեսը «Սեւիլիայի» սան էր, որի գլխավոր թիմում նորամուտը նշել էր 1999-ին, 2004թ․ հունվարին 20 միլիոն եվրոյով տեղափոխվել էր Լոնդոնի «Արսենալ»։ 2006-2007-ի մրցաշրջանում նա վարձակալությամբ հանդես էր եկել Մադրիդի «Ռեալում»։ Հետագայում ներկայացրել է «Աթլետիկոն», «Բենֆիկան», «Էսպանյոլը», չինական «Սինցզյան Տյանշանը»։ «Էստրեմադուրա» էր տեղափոխվել 2019թ․ հունվարին։