Ամերիկան Մեքսիկայից մինչեւ կոկորդը կուշտ է. Թրամփ
ԱՄՆ նախագահ Դոնալդ Թրամփը հայտարարել է, որ «Ամերիկան Մեքսիկայից մինչեւ կոկորդը կուշտ է»: Թրամփի խոսքով՝ նա «ծաղրում» է ԱՄՆ-ին՝ չկանգնեցնելով Կենտրոնական Ամերիկայի երկրներից միգրանտների հոսքը, որոնք հյուսիս են ուղեւորվում՝ ԱՄՆ-ում ապաստան ստանալու հույսով, փոխանցում է «Ամերիկայի ձայնը»:
Թրամփը, որը սպառնում է մեքսիկական ապրանքների համար 5-տոկոսանոց մաքսատուրքեր սահմանել, եթե Մեխիկոն միգրանտներին չկանգնեցնի դեպի ԱՄՆ ճանապարհին, իր հարավային հարեւանին մեղադրում է «վերցնելու, բայց երբեք չտալու մեջ»: «Տասնամյակներ շարունակ այսպես է եղել»,- հավելել է նա:
«Նա կա՛մ կկասեցնի մեր երկիր թմրադիլերների, կարտելների, մարդկանց վաճառողների, խարդախների եւ ապօրինի ներգաղթյալների ներխուժումը, ինչը կարող է անչափ հեշտ անել, կա՛մ մեր բազմաթիվ ընկերությունները եւ աշխատատեղերը, որոնց հիմարաբար թույլ ենք տվել տեղափոխվել սահմանի հարավային կողմ, հարկման (մաքսատուրքերի) միջոցով կվերադարձվեն Միացյալ Նահանգներ»,- ասել է նա:
Մեքսիկայի վրա Թրամփի հարձակումներից մեկ օր առաջ այս երկրի նախագահ Անդրես Մանուել Լոպես Օբրադորը ենթադրություն էր հայտնել, որ իր երկիրը կարող է միգրացիան սանձելու փորձ կատարել: Նրա խոսքով՝ ինքը կարծում է, որ ԱՄՆ-ն պատրաստ է մաքսատուրքերի սահմանման սպառնալիքը քննարկել հունիսի 10-ից՝ որպես Կենտրոնական Ամերիկայի երկրներից ապօրինի միգրացիայի դեմ պայքարի միջոց:
«ԱՄՆ կառավարության պաշտոնյաները երկխոսություն հաստատելու եւ համաձանության ու փոխզիջումների հասնելու պատրաստակամություն են հայտնել»,- ասել էր Մեքսիկայի նախագահը:
«Ուժեղ Հայաստանի» անունից հանդես եկող, ընտրակաշառք տալու, ստանալու մեղադրանքներով ձերբակալված 3 անձի...
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
Կենսաչափական անձնագրերը քաղաքացիներին հասանելի կլինեն 2026 թվականի աշնանը
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար
Բացահայտվել են ՌԴ-ից Հայաստան խոշոր չափերի` կանխիկ 72,6 մլն ռուսական ռուբլու ներկրման դեպքեր․ ՊԵԿ
Ռուսաստանն արգելել է «Ջերմուկի» ևս 1,1 մլն շշի վաճառքը
Լոռու մարզի քրեական ոստիկանները սպանության դեպք են կանխել․ կալանավորվել է երեք անձ
Ուկրաինան կարող է ստիպված լինել հաշտվել իր տարածքի մի մասի կորստի հետ
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Մենք ենք պետք Եվրոպային, թե Եվրոպան` մեզ