«Ռեալը» բաց թողեց հաղթանակը, իսկ «Բարսելոնան» խայտառակ պարտություն կրեց

Ֆուտբոլի Իսպանիայի առաջնության 31-րդ տուրում Մադրիդի «Ռեալը» հանդիպեց «Ատլետիկոյի» հետ:

Ամբողջ խաղն անցավ արքայական ակումբի բացահայտ առավելությամբ: «Ռեալը» ավելի շատ էր գրոհում, ավելի գեղեցիկ ֆուտբոլ ցուցադրում, բայց գոլ խփեց միայն մեկ անգամ, երբ 52-րդ րոպեին Պեպեն գլխի հարվածով բացեց հաշիվը:

«Ատլետիկոն» ոչնչով աչքի չընկնելով 85-րդ րոպեին կարողացավ հավասարեցնել հաշիվը: Գոլը խփեց Գրիզմանը:

«Ռեալի» ոչ ոքին ոչ միայն խելահեղության հասցրեց «Ատլետիկոյի» մարզիչ Սիմյոնեին, այլ «Բարսելոնայի» երկրպագուներին, որոնք արդեն երազում էին, որ իրենց սիրելի թիմը կհավասարվի արքայական ակումբին: Իսկ «Մալագան» վերցրեց եւ 2:0 հաշվով հաղթեց «Բարսելոնային»: Այո, այն «Բարսելոնային», որն ընդամենը շաբաթներ առաջ խաղավերջի յոթ րոպեին երեք գոլ խփեց ՊՍԺ-ին եւ հաղթեց 6:1 հաշվով:

Հիմա արդեն «Ռեալի» առավելությունը «Բարսելոնայի» նկատմամբ հասավ երեք միավորի: Չմոռանանք նաեւ, որ արքայական ակումբը մեկ խաղ պակաս է անցկացրել:

Top-News.am