Արմեն Աշոտյանը Լենա Նազարյանին բանավեճ-քննարկման է հրավիրում

ՀՀԿ փոխնախագահ Արմեն Աշոտյանը և ԱԺ փոխնախագահ Լենա Նազարյանը, կարծես թե, հեռակա փոխհրաձգության մեջ են գտնվում:

Նախ Լենա Նազարյանը գրառում կատարեց՝ ուղղված Արմեն Աշոտյանին, թե վերջինս տարածում է 5-րդ ալիքի տնօրինության հայտարարությունը, որտեղ գրված է, որ անհայտ պայմաններում ակտիվիստը (Վարդգես Գասպարին) ստացել է տուժողի կարգավիճակ։

Մինչդեռ, ըստ Լենա Նազարյանի, կա տեսանյութ, որտեղ միանշանակ երևում է, թե ինչպես է Արմեն Թավադյանը շիշը շպրտում տուժողի ուղղությամբ ու վնասում քունքը (կա դատաբժշկական փորձաքննություն), իսկ Արմեն Աշոտյանն ամբողջությամբ միանում է հայտարարության գնահատականին։

«Այսինքն խնդիր չի տեսնում, որ մարդու առողջությանը դիտավորյալ վնաս են պատճառում։ Սակայն, հաջորդ իսկ գրառմամբ, չգիտես ինչ տրամաբանությամբ, Նիկոլ Փաշինյանին մեղադրում է շարունակաբար բաժանարար պատեր կառուցելու, ատելություն ու անհանդուրժողականություն սերմանելու մեջ, երբ Ռոբերտ Քոչարյանի ազատ արձակման դեմ պայքարող ակցիայի մասնակիցները հարձակվում են Հրանտ Մարգարյանի վրա։

Ուրեմն զազրելի է ոչ միայն մարդու առողջությանը դիտավորյալ վնաս պատճառելը, քաղաքական ընդդիմախոսի վրա հարձակվելը, քաշքշելը, վիրավորելը, այլ նաև նման պահվածք կատարած անձանց տարբերակելը։ Խստորեն դատապարտում եմ Վարդգես Գասպարիի և Հրանտ Մարգարյանի հանդեպ կատարած խուլիգանական գործողությունները»,- գրել է Նազարյանը։

Այս գրառումից քիչ ուշ հաջորդում է Արմեն Աշոտյանի գրառումը.

«Լենա Նազարյանը քիչ առաջ անդրադարձել է իմ այսօրվա գրառումներին։
Սա էլ իմ արձագանքը։

Հ.Գ. Անպարկեշտ եւ վիրավորական կարծիքները վերացվելու են»։