Զելենսկիին զրկել են Գերագույն ռադան ցրելու հնարավորությունից

«Ազգային ճակատ» կուսակցությունը հայտնել է Ուկրաինայի Գերագույն ռադայում իշխող կոալիցիայի կազմից դուրս գալու մասին, ինչով էլ նորընտիր նախագահ Վլադիմիր Զելենսկիին զրկել է խորհրդարանը ցրելու հնարավորություներից, հայտնում է lenta.ru-ն:

Կուսակցության խմբակցության նախագահ Մաքսիմ Բուրբակը կոչ է արել Ռադայում ներկայացված մյուս խմբակցություններին անհապաղ ձեռնամուխ լինել նոր կոալիցիոն հուշագրի ստորագրմանն ու գործողությունների նոր ծրագրի մշակմանը:

Այժմ խորհրդարանը երեսուն օրվա ընթացքում պետք է նոր մեծամասնություն ձևավորի: Ըստ օրենքի՝ նախագահն այդ ընթացքում խորհրդարանը ցրելու իրավունք չունի: Իսկ երբ երեսունօրյա ժամկետը սպառվի, Զելենսկին չի կարողանա Ռադան ցրել արդեն այն պատճառով, որ խորհրդարանի լիազորությունների սպառմանը կմնա կես տարուց էլ քիչ ժամանակ: Մինչդեռ այդ ընթացքում Ռադան կկարողանա նույնիսկ առանց կոալիցիայի աշխատել:

Ինչպես ավելի վաղ հայտնել էր tert.am-ը, Ուկրաինայի նորընտիր նախագահ Վլադիմիր Զելենսկին իր լիազորությունները ստանձնելուց հետո պատրաստվում է ցրել Գերագույն ռադան: Այս մասին հայտնել էր Զելենսկիի խորհրդական Դմիտրի Ռազումկովը:

«Իհարկե, նա կնախաձեռնի Գերագույն ռադայի ցրում»,-հեռուստատեսությամբ հայտնել է խորհրդականը:

Ուկրաինայի Գերագույն ռադայի որոշմամբ՝ Զելենսկիի երդմնակալության արարողությունը տեղի կունենա մայիսի 20-ին:

Որոշմանը կողմ է քվերակել 315 պատգամավոր:

Հիշեցնենք, որ ապրիլի 21-ին Ուկրաինայում կայացել էր նախագահական ընտրությունների 2-րդ փուլը, որում գործող նախագահ Պյոտր Պորոշենկոն պարտվել էր շոումեն Վլադիմիր Զելենսկիին:

Այս թեմայով Զելենսկին խոստացել է, որ «Դրուժբա» նավթատարը մինչև ապրիլի վերջ կսկսի գործել Ռուսներն առաջիկա ամիսներին Ուկրաինայի ջրամատակարարման համակարգերի դեմ գործողություն են նախապատրաստում․ Զելենսկի Եթե դուք չեք ծառայում պետությանը խորհրդարանում, ապա ծառայեք պետությանը ռազմաճակատում. Զելենսկի Ուկրաինա-Ռուսաստան-ԱՄՆ պատվիրակությունների հաջորդ հանդիպումը տեղի կունենա ԱՄԷ-ում՝ մարտի սկզբին․ Զելենսկի Զելենսկին նվաստացրել է Գերմանիայի արտգործնախարարին