Թրամփի աշխատակազմում համոզված են, որ Իրանն առաջինն է պատրաստվում պատերազմ սկսել

ԱՄՆ նախագահ Դոնալդ Թրամփի աշխատակազմի որոշ ներկայացուցիչներ համոզված են, որ Իրանը պատրաստվում է առաջինը պատերազմ սկսել Միացյալ Նահանգների դեմ, տեղեկացնում է ՏԱՍՍ-ը՝ հղում կատարելով The Wall Street Journal-ին։

Նրա աղբյուրների համաձայն՝ Թրամփի աշխատակազմում կարծիքները տարբերվում են այն հարցի շուրջ, թե ինչպես մեկնաբանեն Թեհրանի իշխանությունների այն հայտարարությունները, որ Իրանը գտնվում է լայնամասշտաբ առճակատման եզրին։ Ոմանք կարծում են, որ ելնելով ամերիկյան հետախուզության տվյալներից՝ Իրանի իշխանությունները համոզված էին, որ ԱՄՆ-ը լայնամասշտաբ ռազմական կոնֆլիկտ կսկսի, եւ պատրաստվել են պատասխան միջոցների։ Բայց, ինչպես ընդգծում է թերթը, ԱՄՆ նախագահի աշխատակազմում կան մարդիկ, ովքեր կարծում են, որ «Իրանը նախատեսում է կամ նախատեսել է առաջինը հարված հասցնել»։

Նախօրեին Թեհրանը հույս է հայտնել, որ կոնֆլիկտը ԱՄՆ-ի եւ Իրանի միջեւ պատերազմի չի վերաճի։

Այս թեմայով Թրամփը պաշտոնից ազատել է գլխավոր դատախազ Փեմ Բոնդիին Թրամփը սպառնացել է ոչնչացնել Իրանի կամուրջներն ու էլեկտրակայանները Թեհրանի դիրքորոշումը մնում է անփոփոխ. Բաղայի Իրանը մահապատժի է ենթարկել հունվարյան զանգվածային անկարգությունների ևս երկու մասնակցի Իրանը հայտնել է, որ ԱՄՆ-ն ու Իսրայելը հարձակվել են բժշկական պարագաներ տեղափոխող քաղաքացիական ինքնաթիռի վրա