ԱՄՆ-ն սեւ ցուցակի մեջ կմտցնի Huawei-ն եւ նրա 70 ստորաբաժանումներ
ԱՄՆ առեւտրի նախարարությունը մտադիր է սեւ ցուցակի մեջ մտցնել հեռահաղորդակցային սարքավորումներ արտադրող չինական խոշորագույն ընկերություն Huawei-ն, հայտնել է նախարարության մամուլի ծառայությունը, փոխանցում է «ՌԻԱ Նովոստի»-ն:
«Այս գործողությունը կապված է նախարարության հասանելի տեղեկությունների հետ, որ Huawei-ն ներգրավված է գործունեության մեջ, որը շարադրված է Huawei-ի դեմ արդարադատության նախարարության մեղադրական եզրակացության մեջ»,- նշված է հայտարարությունում:
Ընկերությունը սեւ ցուցակում կհայտնվի իր 70 ստորաբաժանումների հետ՝ «գործունեության պատճառով, որը հակասում է ԱՄՆ ազգային անվտանգությանը», նշված է հաղորդագրության մեջ: Ամերիկացի արտադրողնոերը, որոնք վաճառում են Huawei-ի որեւէ արտադրանք, պետք է ունենան ամերիկյան իշխանությունների հատուկ թույլտվությունը:
«Այս քայլը արտասահմանցիներին պատկանող ընկերություններին կխանգարի ամերիկյան տեխնոլոգիան այնպես օգտագործել, որը պոտենցիալ կերպով կխափանի ԱՄՆ ազգային անվտանգությունը»,- այս կապակցությամբ հայտարարել է առեւտրի նախարար Ուիլբուր Ռոսին:
ԱՄՆ նախագահ Դոնալդ Թրամփը չորեքշաբթի հայտարարել էր ԱՄՆ տեղեկատվական տեխնոլոգիաներին սպառնացող արտասահմանյան լրտեսության մասին եւ կոչ արել ներդրումների հրապարակայնությունը հավասարակշռել ազգային անվտանգության հետ:
Նա հրաման էր ստորագրել՝ հայտարարելով «ազգային արտակարգ դրության» ռեժիմ՝ կապված տեղեկատվական տեխնոլոգիաներին առնչվող սպառնալիքների հետ: Առեւտրի նախարարին հանձնարարվել էր արգելել գործարքները, որոնք անընդունելի ռիսկ են ստեղծում ԱՄՆ ազգային անվտանգության կամ ԱՄՆ բնակիչների անվտանգության համար:
Հրամանում կոնկրետ երկրներ ու ընկերություններ նշված չեն, սակայն համարվում է, որ ուղղված է Չինաստանի եւ Huawei ու ZTE ընկերությունների դեմ:
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Ստեփանծմինդա-Լարս ավտոճանապարհը փակ է
Պետական արգելոցի ֆոտոթակարդները կրկին նկարահանել են կովկասյան ընձառյուծին
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...