«Մետրոյի նոր կայարանի շինարարությունը կսկսվի հաջորդ տարվա սկզբին». Մեսչյանը խոսեց նաեւ ճոպանուղու մասին
Հուսով եմ, որ այս տարվա ընթացքում մինչև հունվար կավարտենք մետրոյի նոր կայարանի նախագծային աշխատանքները, և մյուս տարվա սկզբից կսկսվեն շինարարական աշխատանքները: Այս մասին այսօր՝ մայիսի 15-ին, քաղաքապետարանում կազմակերպված ասուլիսին ասաց Երևանի գլխավոր ճարտարապետ Արթուր Մեսչյանը:
«Շինարարությունը կսկսենք կամրջից, ապա նաեւ հետագա ենթակառուցվածքները կամրջից դեպի «բարեկամություն» կայարան: Ցավոք սրտի, մենք հնարավորություն չունենք բյուջետային միջոցներով ծրագիրն իրականացնել, կառուցապատողների հետ ենք բանակցում: Հիմա մենք ավելի շատ զբաղվում ենք դիվանագիտությամբ, ոչ թե ճարտարապետությամբ, որովհետեւ կառուցապատողներին այս ծրագրերում ներգրավելը բավականին բարդ խնդիր է, բայց լուծվելիք է: Կա՞ն արդյոք կառուցապատողներ, այո: Անուններ դեռ չեմ ասի, մյուս ասուլիսի ժամանակ մանրամասն կխոսենք»,- նշեց Արթուր Մեսչյանը:
Նա խոսեց նաեւ ճոպանուղու կառուցման մասին. «Ճոպանուղու միջոցով ուզում ենք թեթեւացնել կապը Նորքի զանգվածի եւ քաղաքի կենտրոնի միջեւ: Նաեւ թեթեւացնենք տրանսպորտային հոսքը, որ գրեթե բերում է տրանսպորտային կոլապսի: Ճոպանուղին լինելու է Նոր Նորքի 2-րդ զանգվածից, հանրակացարանների տարածքից դեպի քաղաքի կենտրոն՝ Աբովյան պուրակից ձախ հատվածը: Հետագայում կլինի զարգացում դեպի Հաղթանակի այգի, բայց սկզբնաման խնդիրը առաջին կապն է»:
Մեսչյանի խոսքով՝ ճոպանուղու ծրագիրը ևս կֆինանսավորվի ոչ բյուջետային միջոցներով՝ կառուցապատողների կողմից:
«Ուժեղ Հայաստանի» անունից հանդես եկող, ընտրակաշառք տալու, ստանալու մեղադրանքներով ձերբակալված 3 անձի...
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար
Բացահայտվել են ՌԴ-ից Հայաստան խոշոր չափերի` կանխիկ 72,6 մլն ռուսական ռուբլու ներկրման դեպքեր․ ՊԵԿ
Ռուսաստանն արգելել է «Ջերմուկի» ևս 1,1 մլն շշի վաճառքը
Մենք ենք պետք Եվրոպային, թե Եվրոպան` մեզ
Լոռու մարզի քրեական ոստիկանները սպանության դեպք են կանխել․ կալանավորվել է երեք անձ
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Երևանի համայնքապատկան դպրոցների գործունեությունը մշտադիտարկվում և գնահատվում է
Հանրապետության առանձին շրջաններում սպասվում է կարճատև անձրև և ամպրոպ