Անգլիայի առաջնության խելահեղ վերջաբանը

Ֆուտբոլի Անգլիայի Պրեմիեր լիգայի առաջնության 2018/2019 մրցաշրջանի ավարտին թիմերին մնացել է անցկացնել մեկ կամ երկու հանդիպում, բայց ամենակարեւոր հարցը չի ստացել իր պատասխանը՝ ո՞վ է նվաճելու չեմպիոնի կոչումը:

Երեկ շատ դժվար հաղթանակ տարավ Լիվերպուլը՝ մրցակցի դաշտում 3:2 հաշվով հաղթելով Նյուքասլին: Իր խաղը Մանչեսթեր Սիթին կանցկացնի վաղը՝ Լեսթերի հետ: Այժմ Լիվերպուլը մանչեսթերցիներից երկու միավոր ավելի ունի, բայց մեկ խաղ ավելի է անցկացնել:

Անորոշ է նաեւ, թե որ թիմերը կգրավեն երրորդ եւ չորրորդ տեղերը՝ ապահովելով Չեմպիոնների լիգայի մրցաշարին մասնակցելու իրավունքը:

Տոտենհեմն ունի 70 միավոր, բայց մեկ խաղ ավելի է անցկացրել, քան 68 միավոր վաստակած Չելսին, 66 միավոր ունեցող Արսենալը եւ նրանից մեկ միավոր քիչ ունեցող Մանչեսթեր Յունայթեդը:

Յոթերորդ տեղի, այլ կերպ ասած Եվրոպայի լիգայում խաղալու իրավունք տվող տեղի համար պայքարում, կարեծ էական առավելություն ունի Վուլվերհեմփթոնը, բայց շանսը դեռ չի կորցրել Լեսթերը, որը վաղը պետք է անպայման հաղթե Մանչեսթեր Սիթիին:

Իսկ ահա արդեն իսկ պարզ է, թե ովքեր են հեռանալու ուժեղագույնների խմբից: Այս մրցաշրջանի անհաջողակներն են Հադերսֆիլդ թաունը, Ֆուլհեմը եւ Քարդիֆը: Նրանց փոխարեն հաջորդ մրցաշրջանին կմասնակցեն Նորվիչը, Շեֆիլդ Յունայթեդը, իսկ երրորդ հաջողակը կլինի Լիդսը, Վեստ Բրոմովիչ Ալբիոնը, Աստոն Վիլան, ինչպես նաեւ կամ Դերբի Քաունթին կամ Միդլսբրոն: Ամեն ինչ կորոշվի վերջին տուրում եւ անցումային խաղերում:

Top-News.am