ՌԴ-ում փակվել է փուռը՝ գեյերին չսպասարկելու պատճառով

Կեմերովոյում ժամանակավորապես փակվել է գեյերին սպասարկելուց հրաժարված փուռը։ Այս մասին տեղեկացնում է ՌԻԱ «Նովոստի»-ն՝ հղում կատարելով ձեռնարկության սեփականատեր Անտոն Իպատովի հայտարարությանը։

Ինչպես նշվում է, փուռը ցուցանակ էր կախել, որտեղ նշվում էր ոչ ավանդական սեռական կողմնորոշում ունեցող մարդկանց մուտքն արգելելու մասին։ Տեքստում օգտագործված էր անցենզուր բառապաշար։

Ճշտվում է նաեւ, որ Ռոսպոտրեբնադզորը տեղեկացրել է փռում բազմաթիվ խախտումների, այդ թվում կենտրոնացված ջրամատակարարման եւ կոյուղու բացակայության մասին։

«Կեղծ հարձակումների պատճառով մենք ստիպված ենք ժամանակավորապես փակել մեր խանութը մինչեւ բոլոր իրավաբանական հարցերի կարգավորումը»,- ասել է Իպատովը։

Նա հավելել է, որ փուռը փակ է ոչ թե արտադրանքի որակի, այլ ուրիշ պատճառներով։