Պետք է պարզել ԵՏՄ-ում առեւտրի խոչընդոտների աճի պատճառները. Ռումաս
Եվրասիական տնտեսական միությունում պետք է պարզել առեւտրում խոչընդոտների աճի պատճառը, ասել է Բելառուսի վարչապետ Սերգեյ Ռումասն այսօր Եվրասիական միջկառավարական խորհրդի երեւանյան նիստում, տեղեկացրել են Բելառուսի կառավարության մամուլի ծառայությունում։
«Կարեւոր է բարձրացնել պատնեշների վերացման, ներքին շուկայում սահմանափակումների հանման աշխատանքի արդյունավետությունը։ Հարկավոր է պարզել առեւտրում խոչընդոտների աճի պատճառները, մանավանդ պատնեշները, որոնք համարվում են միության իրավունքի խախտում։ Որո՞նք են դրանք՝ մեր պայմանագրի անկատարությո՞ւնը, թե՞ առանձին անդամ պետությունների իրավական նիհիլիզմը»,- ասել է Սերգեյ Ռումասը։
Նրա կարծիքով՝ ԵՏՄ պայմանագրի հնգամյակի հոբելյանական տարեթվի նախաշեմին շատ կարեւոր է գնահատել կատարված աշխատանքի արդյունքները։ «Այդ ընթացքում քիչ բան չի արվել. ընդունվել են նորմատիվ ակտեր, որոնք ապահովել են ԵՏՄ գործունեության սկիզբը, կատարելագործում են իրենց աշխատանքը կառավարման եւ համակարգող մարմինները, կատարվել է երրորդ երկրների հետ «հնգյակի» տնտեսական հարաբերությունների ամրապնդման աշխատանքը»,- կարծում է Բելառուսի վարչապետը։ Միեւնույն ժամանակ, չպետք է մոռանալ նաեւ դեռ չլուծված մի շարք խնդիրների մասին, նշել է կառավարության ղեկավարը։
«Որպես Եվրասիական տնտեսական միության ստեղծման կարեւոր նպատակ նշված է անդամ պետությունների արդյունավետ ներքին շուկայի ձեւավորումը՝ բոլոր չորս ազատությունների ապահովմամբ։ Եվ այդ ճանապարհին մենք դեռ բարդ խնդիրներ ունենք լուծելու։ Դրանց թվում է մինչեւ 2025-ը գազի, նավթի եւ նավթամթերքների ընդհանուր շուկաների ձեւավորումը»,- նշել է Սերգեյ Ռումասը։ Նա հիշեցրել է, որ 2018-ի դեկտեմբերին պետությունների ղեկավարները ստորագրել են հռչակագիր Եվրասիական տնտեսական միությունում ինտեգրացիոն գործընթացների հետագա խորացման մասին։ Փաստաթուղթն ուղղված է ինտեգրացիոն գործընթացների զարգացման այնպիսի ուղղություններում, ինչպիսին են միության միասնական շուկայի առավելագույն արդյունավետության ապահովումը, գիտաարդյունաբերական եւ տեխնոլոգիական բեկման խթանումը, թվային տնտեսության իրականացումը։
«Արդի աշխարհում թվային տեխնոլոգիաների զարգացման մակարդակը վճռական դեր է խաղում երկրների մրցունակության հարցում եւ տնտեսական միություններում։ Այս առնչությամբ անհրաժեշտ է շարունակել ԵՏՄ իրավանորմատիվային բազայի զարգացման եւ անդամ պետությունների օրենսդրությունների ներդաշնակեցման աշխատանքը, օգտագործել միասնական թվային տարածքի ձեւավորման գործընթացը փոխադարձ ապրանքաշրջանառության ավելացման համար՝ էլեկտրոնայն առեւտրի ներդրմամբ»,- կարծում է Սերգեյ Ռումասը։ Բելառուսը աջակցում է համատեղ նախագծերի եւ ծրագրերի իրականացմանը, հանդես է գալիս հօգուտ տեղեկատվա-հեռահաղորդակցային տեխնոլոգիաների օգտագործման իշխանության սահմանամերձ փոխգործակցող մարմիններում, տնտեսվարող սուբյեկտներում եւ ֆիզիկական անձանց պարագայում։ Վերջերս բելառուսական կողմն առաջարկություն է ստացել Զարգացման եվրասիական բանկից՝ անդամ պետություններում կիրառելու նրանց ստեղծած հաշվարկային-քլիրինգային համակարգը ազգային արժույթով՝ առանց վճարում կատարելու եւ փոխանակման (առանց դոլարի օգտագործման), ներկրման մաքսատուրքերի հաշվարկի ժամանակ, ինչը կնպաստի ազգային արժույթների դերի բարձրացմանը ԵՏՄ փոխադարձ հաշվարկներում, ազգային արժույթների շուկաների զարգացմանը եւ տնտեսությունների ապադոլարայնացմանը։
Սերգեյ Ռումասը Հայաստանին հաջողություն է մաղթել ընթացիկ տարում ԵՏՄ մարմիններում նախագահողի պաշտոնում։
«Ուժեղ Հայաստանի» անունից հանդես եկող, ընտրակաշառք տալու, ստանալու մեղադրանքներով ձերբակալված 3 անձի...
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար
Բացահայտվել են ՌԴ-ից Հայաստան խոշոր չափերի` կանխիկ 72,6 մլն ռուսական ռուբլու ներկրման դեպքեր․ ՊԵԿ
Ռուսաստանն արգելել է «Ջերմուկի» ևս 1,1 մլն շշի վաճառքը
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Լոռու մարզի քրեական ոստիկանները սպանության դեպք են կանխել․ կալանավորվել է երեք անձ
Մենք ենք պետք Եվրոպային, թե Եվրոպան` մեզ
Հանրապետության առանձին շրջաններում սպասվում է կարճատև անձրև և ամպրոպ
Արարատ Միրզոյանը և Ժան-Նոել Բարոն Փարիզում ՀՀ դեսպանության նոր շենքի բակում ծիրանենի են տնկել