Ադրբեջանը Վրաստանի հետ սահմանին գտնվող Դավիթ Գարեջայի վանական համալիրի մոտակայքում սահմանապահների թիվը 2-ից հասցրել է 18-ի
Վրաստանի և Ադրբեջանի սահմանին՝ Դավիթ Գարեջայի վանական համալիրի տարածքի մոտակայքում, ավելացել է ադրբեջանցի սահմանապահների թվաքանակը՝ երկուսից հասնելով տասնութի:
Ինչպես նշում է newsgeorgia.ge կայքը, այս մասին «Ռուսթավի-2» հեռուստաալիքին հայտնել է արքիմանդրիտ Կիրիոնը:
Հոգևորականի փոխանցմամբ՝ ներկայում զբոսաշրջիկներն ու ուխտավորները տեղաշարժի հետ կապված որևէ խնդիր չունեն: Սակայն արքիմանդրիտը չի բացառել, որ մայիսի 5-ին ադրբեջանցի սահմանապահները կրկին կարգելափակեն դեպի Ուդաբնո վանք տանող ճանապարհը:
«Առաջ սահմանապահներն ընդամենը երկուսն էին, իսկ հիմա մոտ 18 մարդ կա: Այստեղ այսքան շատ սահմանապահ դեռ չէր եղել»,-ասել է Կիրիոնը:
Աղբյուրը մանրամասնում է, որ Դավիթ Գարեջայի վանական համալիրից ոչ հեռու գտնվող սահմանային հատվածում իրավիճակը հանրության ուշադրության կենտրոնում էր հայտնվել, երբ մի քանի օր առաջ ադրբեջանցի սահմանապահները վանքերից մեկի մոտ սկսել էին տեղաշարժն արգելող նշաններ տեղադրել:
Այն ժամանակ արքիմանդրիտ Կիրիոնը կատարվածը կապել էր Վրաստանի նախագահ Սալոմե Զուրաբիշվիլիի վերջին հայտարարություններից մեկի հետ, համաձայն որի՝ Ադրբեջանի հետ պետք է հնարավորինս արագ պայմանավորվել վիճելի սահմանային տարածքների հարցով ու հնարավորինս արագ ավարտել սահմանազատման գործընթացը:
Վրաստանի արտգործնախարարության ներկայացուցիչները կապվել էին ադրբեջանցի գործընկերների հետ, և որոշ ժամանակ անց վրացական կողմը հայտնել էր, որ բանակցություններն արդյունք տվել են, և որ ադրբեջանցի սահմանապահները բացել են դեպի Ուդաբնո վանք տանող ճանապարհը:
Ադրբեջանի արտգործնախարարությունից հայտնել էին, որ Բաքուն պատրաստ է մոտ ժամանակներս ավարտել սահմանազատման գործընթացը:
Հայտնի է, որ Վրաստանն ու Ադրբեջանն ունեն 446 կմ երկարությամբ ընդհանուր սահման, որի 1/3-րդ մասը դեռևս սահմանագծված չէ:
Ինչ վերաբերում է մոտ 20 ժայռափոր վանք ներառող Դավիթ Գարեջայի վանական համալիրին, ապա դրա մի մասը, այդ թվում՝ Ուդաբնո վանքը, գտնվում է Ադրբեջանի վերահսկողության ներքո: Ադրբեջանցի պատմաբանների պնդմամբ՝ այն «Ադրբեջանի քարե հիշողությունն է»: Ադրբեջանում գտնում են, որ վանական համալիրը վերաբերում է Կովկասյան Ալբանիայի պատմությանը:
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
ԱՄՆ-ի գործողությունները Հորմուզի նեղուցում փակուղի են. Արաղչի
Մակրոնը և Սթարմերը Ուկրաինայի հարցով հանդիպում են հրավիրել
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Վահագն Խաչատուրյանը և Նիկոլ Փաշինյանը պարգևատրվել են Ֆրանսիայի Պատվո լեգեոն-Մեծ խաչ շքանշանով, Մակրո...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
Ջերմուկում հայտնաբերված կարմիրգրքյան գորշ արջի քոթոթները տեղափոխվել են ապաստարան․ ԲԸՏՄ