Չեմ պատկերացնում՝ զինծառայողներից մեկը բողոքի, որ ազատ ժամանակ ունի եւ չգիտի՝ ոնց ծախսի. փոխնախարար
Զինծառայողները մարտական պատրաստության պլանով 17 առարկա են անցնում: Այս մասին այսօր՝ ապրիլի 27-ին, Վանաձորում, Քաղաքացու օրը կազմակերպած միջոցառման ժամանակ ասաց ՀՀ պաշտպանության փոխնախարար Գաբրիել Բալայանը:
Դիտարկմանը, թե զինծառայողները շատ ազատ ժամանակ են ունենում, Բալայանն արձագանքեց. «Ես մի փոքր զարմացած եմ: Ազատ ժամանակ, իհարկե, ունենում են, որը մենք պլանավորում ենք, որ պետք է ծախսեն ինքնապատրաստման վրա: Մարտական հերթապահության մեջ է ընդգրկվում այն զինծառայողը, որ առնվազն հինգ ամիս անցնում է ուսումնական փուլ: Այդ ընթացքում, հավատացեք ինձ, չեմ պատկերացնում՝ մեկը բողոքի, որ ազատ ժամանակ ունի եւ չգիտի՝ ոնց ծախսի: Այո, մենք խնդիր ունենք բոլոր զորամասերը գրադարանով ապահովելու եւ այդ ուղղությամբ աշխատում ենք: Խոշոր զորամասերում գրեթե փակված է այս հարցը, փոքր զորամասերում զինծառայողների հիմնական մասը պայմանագրայիններն են, որ գալիս են աշխատանքի ու վերադառնում են տուն, եթե մարտական հերթապահության մեջ չեն ընդգրկվում»,- ասաց Բալայանը՝ նշելով, որ այդ տեղեկությունն ընդունում է որպես դիտողություն:
Փոխնախարարն ասաց՝ ծանոթ չէ՝ այդ տարածքի որ զորամասերն են, որ գրադարան ունեն, որոնք՝ չէ, խոստացավ զբաղվել այդ հարցով:
Ինչ վերաբերում է զինծառայողների քաղաքացիական ու ռազմահայրենասիրական դաստիարակությանը, փոխնախարարը նշեց, որ այդ առումով պակաս չունեն. «Հիմա ուզում ենք խորացնել ուսուցումը բարեվարքության, մարդու իրավունքների եւ մարդասիրական իրավունքի առումով: Մենք ունենք նաեւ միջազգային փաստաթղթերով պարտավորություններ, ուսումնական ծրագրերը մշակման փուլում են ոչ միայն զորամասային օղակում, այլեւ ռազմաուսումնական հաստատություններում»,- ասաց Գաբրիել Բալայանը:
«Ուժեղ Հայաստանի» անունից հանդես եկող, ընտրակաշառք տալու, ստանալու մեղադրանքներով ձերբակալված 3 անձի...
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար
Բացահայտվել են ՌԴ-ից Հայաստան խոշոր չափերի` կանխիկ 72,6 մլն ռուսական ռուբլու ներկրման դեպքեր․ ՊԵԿ
Ռուսաստանն արգելել է «Ջերմուկի» ևս 1,1 մլն շշի վաճառքը
Մենք ենք պետք Եվրոպային, թե Եվրոպան` մեզ
Լոռու մարզի քրեական ոստիկանները սպանության դեպք են կանխել․ կալանավորվել է երեք անձ
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Հանրապետության առանձին շրջաններում սպասվում է կարճատև անձրև և ամպրոպ
Արարատ Միրզոյանը և Ժան-Նոել Բարոն Փարիզում ՀՀ դեսպանության նոր շենքի բակում ծիրանենի են տնկել