«Փաշինյան-Ալիև հանդիպման մասին խոսելը վաղ է». ՀՀ արտգործնախարար
ՀՀ Արտաքին գործերի նախարար Զոհրաբ Մնացականյանն այսօր լրագրողների հետ հանդիպմանն անդրադառնալով ադրբեջանական մամուլում շրջանառվող լուրերին, որ առաջիկայում կկայանա Հայաստանի և Ադրբեջանի արտգործնախարարների հանդիպումը, նշեց, որ հանդիպումներ պետք է տեղի ունենան, քանի որ գործընթացը չպետք է կանգ առնի և կշարունակվի։
«Հանդիպումներ տեղի են ունեցել տարբեր մայրաքաղաքներում, ներառյալ՝ համանախագահող երկրների մայրաքաղաքներում։ Որոշ քննարկումներ մենք ունեցել ենք, նախագծել ենք, թե հաջորդ քայլն ինչպես ենք իրականացնելու, ինչպես և որտեղ է լինելու, բայց հրավիրող կողմն իր համար կորոշի, կհստակեցնի հանդիպման վայրը, ժամկետները։ Երբ հյուրընկալող կողմը մեզ կհրավիրի, այդ ժամանակ էլ հստակ կարող են հայտարարություն անել»,- ասաց արտգործնախարարը։
Ինչ վերաբերում է Փաշինյան-Ալիև հնարավոր հանդիպմանը, Զոհրաբ Մնացականյանը նշեց, որ այդ մասին դեռևս վաղ է խոսել, քանի որ մարտի 29-ին երկու երկրների ղեկավարները հանդիպել էին, որի ընթացքում եղել է համաձայնությունների շրջանակ կամ ուղղորդիչ պայմանավորվածություններ, որոնց վրա էլ ապրիլի 15-ին Մոսկվայում կայացած հանդիպման ժամանակ աշխատել են Հայաստանի և Ադրբեջանի արտգործնախարարները։
Լրագրողների հարցին՝ այս տարի նախատեսվա՞ծ է ՌԴ նախագահ Վլադիմիր Պուտինի այցը Հայաստան, Զ. Մնացականյանը դրական պատասխան տվեց։
«Ուժեղ Հայաստանի» անունից հանդես եկող, ընտրակաշառք տալու, ստանալու մեղադրանքներով ձերբակալված 3 անձի...
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար
Բացահայտվել են ՌԴ-ից Հայաստան խոշոր չափերի` կանխիկ 72,6 մլն ռուսական ռուբլու ներկրման դեպքեր․ ՊԵԿ
Ռուսաստանն արգելել է «Ջերմուկի» ևս 1,1 մլն շշի վաճառքը
Մենք ենք պետք Եվրոպային, թե Եվրոպան` մեզ
Լոռու մարզի քրեական ոստիկանները սպանության դեպք են կանխել․ կալանավորվել է երեք անձ
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Հանրապետության առանձին շրջաններում սպասվում է կարճատև անձրև և ամպրոպ
Արարատ Միրզոյանը և Ժան-Նոել Բարոն Փարիզում ՀՀ դեսպանության նոր շենքի բակում ծիրանենի են տնկել