Սեդրակ Քոչարյանի անմեղության կանխավարկածը խախտված է
2019 թվականի ապրիլի 23-ին ավարտվեց Սեդրակ Քոչարյան ընդդեմ Արթուր Վանեցյան գործի նախնական դատական նիստը։ Դատարանը հստակ սահմանեց, որ Արթուր Վանեցյանի ներկայացուցիչները պետք է կրեն փաստական հանգամանքների առկայության կամ բացակայության ապացուցման պարտականությունը։ «Փաստինֆո»-ի թղթակցի հետ զրույցում ասաց Սեդրակ Քոչարյանի ներկայացուցիչ Անի Ալավերդյանը:
Փաստաբանի փոխանցմամբ՝ պատասխանողը պետք է ապացուցի, որ 2018 թվականի սեպտեմբերի 11-ին Արթուր Վանեցյանի կողմից կատարված արտահայտությունները հանդիսանում են փաստացի տվյալներ և չեն համարվում զրպարտություն։
«Կարծում եմ, պատասխանող կողմի համար բավականին դժվար կլինի ապացուցել այդ պնդումները, քանի որ, 2019 թվականի փետրվարի 21-ին Արթուր Վանեցյանն արդեն իսկ հայտարարել է, որ իր խոսքը եղել է ոչ այդքան ճիշտ ձևակերպված, և որի համար պարզաբանում է տվել»,- ասաց Ա.Ալավերդյանը: Ավելին, Արթուր Վանեցյանը նույնիսկ հայտարարել է, որ ի սկզբանե հերքել է:
Պետք է նշել նաև, որ Սեդրակ Քոչարյանի ներկայացուցիչներն արդեն իսկ ներկայացրել են որոշ ապացույցներ, առ այն, որ պատասխանողի կողմից կատարված հրապարակային հայտարարությունները չեն համապատասխանում իրականությանը։
Արդյո՞ք խախտվել է անմեղության կանխավարկածը: Սեդրակ Քոչրայանի ներկայացուցիչ Սարգիս Գիրգորյանն ասաց․
«2018 թվականի սեպտեմբերի 11-ին հայտնի մամլո ասուլիսի ընթացքում Արթուր Վանեցյանի կողմից կատարված հայտարարությունները արտացոլվել են նաև ՀՀ ազգային անվտանգության ծառայության 2019 թվականի փետրվարի 19-ի տարածած հաղորդագրության մեջ։ 2019 թվականի ապրիլի 5-ին Երևան քաղաքի ընդհանուր իրավասության դատարանը ճանաչել է, որ վերընշված ԱԱԾ-ի հաղորդագրությունը խախտում է Սեդրակ Քոչարյանի անմեղության կանխավարկածը։
Հետևաբար, մամլո ասուլիսի ընթացքում հրապարակայնորեն հնչեցված արտահայտություններով արդեն իսկ խախտվել էր Սեդրակ Քոչարյանի անմեղության կանխավարկածը, այսինքն, այդ արտահայտությունները չեն համապատասխանում իրականությանը։
Մարդու իրավունքների և հիմնարար ազատությունների պաշտպանության մասին Եվրոպական կոնվենցիան սահմանում է, որ յուրաքանչյուր ոք, ով մեղադրվում է քրեական հանցագործության մեջ, անմեղ է համարվում, մինչև որ նրա մեղավորությունը չապացուցվի օրենքին համապատասխան։ Նախադեպային իրավունքը սահմանում է, որ տվյալ սկզբունքի նպատակն է ապահովել արդար դատաքննությունը, զերծ պահելով այն գործի հետ սերտորեն կապված որևէ հրապարակային հայտարարություններից:
Ավելին, Մարդու իրավունքների եվրոպական դատարանը գտնում է նաև, որ տեղեկատվության չթույլատրված բացահայտումը, որը կարող է խախտել անձի անմեղության կանխավարկածը հանդիսանում է Կոնվենցիայի 8-րդ հոդվածով սահմանված իրավունքի խախտում»։
Փաստաբանը կարծում է, որ դատարանը կտա այնպիսի գնահատական, որը համահունչ կլինի Հայաստանի կողմից ստանձված միջազգային պարտավորություններին և ՄԻԵԴ-ի նախադեպային իրավունքին`արդար դատաքննության իրավունքի և անձնական իրավունքի պաշտպանության վերաբերյալ։
Աղբյուր` Փաստինֆո
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Մարմնամարզության տղամարդկանց հավաքականը տուն է վերադառնում
Ղարաբաղից տեղահանվածները պետք է կապեն իրենց ապագան Հայաստանի հետ
Պետական արգելոցի ֆոտոթակարդները կրկին նկարահանել են կովկասյան ընձառյուծին
Գվարդիոլան արդեն այնքան հանդիպումներ է անցկացրել, որ ես չեմ համարձակվի նրան խորհուրդներ տալ
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...
Արսեն Զախարյանի տրանսֆերային արժեքն աճել է