«Այլևս չենք հանդուրժի, որ Ամերիկան մեզ խրատներ տա». Լավրով
Ռուսաստանի արտաքին գործերի նախարար Սերգեյ Լավրովն ասել է, որ Մոսկվան «Ռուսաստան-ՆԱՏՕ» խորհրդի նիստերին հետայսու կմասնակցի միայն զինվորականների մակարդակով:
Լավրովի փոխանցմամբ, «ամերիկացիները սովորություն են դարձրել այդ հարթակում մեզ քննադատել և Ուկրաինայի թեմայով դասախոսություն կարդալ»:
«Մենք դա չենք հանդուրժի», - ասել է Ռուսաստանի արտաքին գերատեսչության ղեկավարը «Զվեզդա» հեռուստակայանին երեկ տված հարցազրույցում:
Նա ասել է, որ Ռուսաստանը բնականոն երկխոսություն է վարում եվրոպական յուրաքանչյուր պետության հետ, սակայն ՆԱՏՕ-ի հետ երկխոսությունը դժվար է իրականացվում:
«Ռուսաստանն այլևս նման միջոցառումներին մասնակցելու ցանկություն չունի, եթե Վաշինգտոնը մտադիր է լուրջ խոսակցություն վարել, պետք է գումարել «Ռուսաստան-ՆԱՏՕ» խորհուրդը՝ զինվորականների մակարդակով», - ասել է Լավրովը:
Նա հարցազրույցում անդրադարձել է նաև Եվրոպայում ՆԱՏՕ-ի ուժերի գլխավոր հրամանատար, ամերիկացի գեներալ Քերթիս Սքափարոթիի հայտարարությանը:
Անցած ամսվա ընթացքում Սքափարոթին հաղորդել է, որ առաջիկայում ազատելու է պաշտոնը: Գլխավոր հրամանատար է նշանակվելու ամերիկացի մեկ ուրիշ գեներալ՝ Թեդ Ուոլթերզը:
Սքափարոթին ասել է, որ Արևմուտքի երկրներն այսօր չեն հասկանում ռուսներին:
«Հիմա Վաշինգտոնի և Մոսկվայի հարաբերություններն ավելի լարված են, քան «սառը պատերազմի» տարիներին», - ասել է գեներալը՝ նշելով, որ չափազանց կարևոր է երկխոսություն պահպանել:
«Լավ է ուշ, քան երբեք, տա Աստված, որ Սքափարոթիին փոխարինողը հասկանա այդ խորհուրդը և օգտվի դրանից», - ասել է Լավրովը:
Մեկ շաբաթ առաջ՝ ապրիլի 15-ին, Ռուսաստանի արտաքին գործերի նախարարությունը հաղորդել է ռազմական և քաղաքացիական ուղղություններով ՆԱՏՕ-ի հետ համագործակցությունն ամբողջությամբ դադարեցնելու մասին:
Փոխնախարար Ալեքսանդր Գրուշկոն ասել է, որ ՆԱՏՕ-ն է մերժում նորմալ շփումները:
«ՆԱՏՕ-ն չափն անցել է Ռուսաստանի հետ առճակատումը սրելու հարցում, և դեռ հայտնի չէ, թե երբ կվերադառնա խոհեմ դիրքորոշման», - ասել է փոխարտգործնախարար Գրուշկոն:
«Ուժեղ Հայաստանի» անունից հանդես եկող, ընտրակաշառք տալու, ստանալու մեղադրանքներով ձերբակալված 3 անձի...
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար
Բացահայտվել են ՌԴ-ից Հայաստան խոշոր չափերի` կանխիկ 72,6 մլն ռուսական ռուբլու ներկրման դեպքեր․ ՊԵԿ
Ռուսաստանն արգելել է «Ջերմուկի» ևս 1,1 մլն շշի վաճառքը
Մենք ենք պետք Եվրոպային, թե Եվրոպան` մեզ
Լոռու մարզի քրեական ոստիկանները սպանության դեպք են կանխել․ կալանավորվել է երեք անձ
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Արարատ Միրզոյանը և Ժան-Նոել Բարոն Փարիզում ՀՀ դեսպանության նոր շենքի բակում ծիրանենի են տնկել
Հանրապետության առանձին շրջաններում սպասվում է կարճատև անձրև և ամպրոպ