Հենրիխ Մխիթարյանն ուղերձ է հղել հայ ընտրողին

Հայաստանի հավաքականի եւ «Մանչեսթեր Յունայթեդ» ֆուտբոլային թիմի կիսապաշտպան Հենրիխ Մխիթարյանն այսօր «Վեսթ Բրոմովիչի» հետ խաղից առաջ հատուկ ողերձով դիմել է իր երկրպագուներին եւ ընտրողներին.

«Սիրելի ֆուտբոլասերներ, ընտրողներ: Ցավում եմ, որ վաղը Հայաստանում չեմ լինելու եւ չեմ մասնակցելու խորհրդարանական ընտրություններին:

Այսուհանդերձ, չեմ կարող իմ մասնակցությունն ունենալ այս կարեւոր ընտրություններին սոսկ հոլովակներից մեկում իմ լուսանկարով ամսագրի հրապարակմամբ:

Ուզում եմ անկեղծ լինել: Արդեն մի քանի ամիս է, ինչ Անգլիայում եմ, Մեծ Բրիտանիայում եւ հիացած եմ այս երկրով, հիացած եմ արժանապատիվ այս ժողովրդով: Հավատացեք, այստեղ որեւէ մեկը ընտրակաշառք չի բաժանում եւ ընտրակաշառք չի վերցնում: Ոչ, չշտապեք ասել, թե հարուստ են, լավ են ապրում, դրա համար էլ չեն վերցնում: Նրանք միշտ չէ, որ լավ են ապրել, բայց երբ խնդիրներ են ունեցել, այդ ժամանակ եւս չեն վերցրել:

Ինչ եմ խնդրում, գիտեմ, որ ձեզնից ոմանք արդեն իսկ վերցրել են գումարը, բայց գոնե վաղը քվեարկեք ձեր խղճի մտոք: Քվեարկեք հանուն Հայաստանի, հանուն այն Հայաստանի, որտեղ ֆուտբոլի առաջնությունը մի կերպ մի քանի աղքատ թիմով է անցկացվում:

Եւ մինչեւ վերջ անկեղծ լինեմ, ես չեմ ցանկանում, որ իմ երկրպագուների մեջ լինեն ընտրակեղծարարները եւ նրանք, ովքեր ընտրակաշառք են վերցնում:

Մենք արժանի ենք ապրել ամենալավ երկրում: Եւ վերջում մի գաղտնիք բացեմ: Որոշել եմ ամուսնանալ այն գեղեցկուհի աղջկա հետ, որը վաղը առավել մեծ ակտիվությամբ կկանխի ընտրակեղծիքների իրականացումը:

Ձեր Հենո»

Ի դեպ ուղերձը հրապարակված չէ Հենրիխ Մխիթարյանի թվիթերյան էջում:

Top-News.am

Սպորտի եւ հումորի բաժին