«Ռուսական գործով» Մյուլլերի զեկույցի հետաքրքիր պահերը

ԱՄՆ արդարադատության ն ախարարությունը հրապարակել է հատուկ դատախազ Ռոբերտ Մյուլլերի զեկույցի կրճատ տարբերակը։ Հատուկ դատախազի առջեւ խնդիր էր դրված՝ պարզել, թե արդյոք Թրամփի նախընտրական շտաբը գործարքի մեջ է եղել Ռուսաստանի հետ եւ փորձել է արդյոք Թրամփը խոչընդոտել արդարադատությանը։ Ավելի վաղ գլխավոր դատախազ Բարն ասել էր, որ հետաքննությունը Թրամփի ու նրա թիմի եւ Ռուսաստանի միջեւ կապ չի գտել։

Զեկույցը կազմված է ավելի քան 400 էջից։ Ռուսաստանի հետ կապերին նվիրված մասը զբաղեցնում է 199 էջ։ Խոչընդոտել է արդյոք Թրամփը արդարադատությանը խոչընդոտելուն, 182 էջ է։ Եւս 30-40 էջ զբաղեցնում են ծանուցումները՝ հայտնում է BBC-ն։

Հետաքրքիր պահերը՝

«Երբ (գլխավոր դատախազ Ջեֆ ) Սեշնսը հայտնել է նախագահին հատուկ դատախազի նշանակման մասին, նախագահը հենվել է աթոռին եւ ասզել․ «Օ, Աստված իմ։ դա իմ նախագահության վերջն է։ Վերջս եկել է»։

«Նախագահի գործողությունների մասին մեր կողմից ստացված տեղեկատվությունը բարդ հարցեր է առաջ քաշում, որի պատճառով մենք չենք կարող հաստատել, որ որեւ է հանցագործ վարքագիծ չի դրսեւորվել։ Այսպիսով, թեեւ այս զեկույցը չի տալիս ապացույցներ, որ նախագահը հանցանք է գործել, սա նաեւ նրան չի արդարացնում։

«Թեեւ հետաքննությունը պարզել է, որ ռուսական կառավարությունը Թրամփի հաղթանակը իր համար շահավետ է համարել եւ ջանքեր է գործադրել այդ արդյունքին հասնելու համար, հետաքննությունը չի պարզել, որ Թրամփի նախընտրական շտաբի անդամները համագործակցել են Ռուսաստանի հետ»։

«Ռուսաստանի հետ փշումները կազմված են եղել գործարար կապերից, նախընտրական շտաբին օգնելու առաջարկություններից եւ Թրամփի ու Պուտինի հանդիպումը կազմակերպոլու առաջարկություններից, ինչպես նաեւ ռուս-ամերիկյանհարաբերությունները բարելավելու նախաձեռնություններից»։

Թրամփը հատուկ դատախազի հարցերին պատասխանել է նամակներով՝ բանավոր հարցաքննության գալու փոխարեն։ Գրավոր պատասխանները Մյուլլերի թիմը համարել է հիմնականում «ոչ համաչափ», հարցերի մեծ մասին նա պատասխանել է «չեմ հիշում»։

Դատախազի թիմը կարող էր հասնել նրա առերես հարցազրույցին, սակայն որոշել է դա չանել եւ չհետաձգել հետաքննությունը։