Հայաստանում ցանկանում են դատապարտյալների համար ավելի մարդասիրական պայմաններ ստեղծել
Օրինագծով առաջարկվում է քննարկել դատապարտյալների բաշխման հարցը, այդ թվում մոտ հարազատների հետ շփման հանգամանքները եւ պայմանները, ինչը էական նշանակություն կունենա ընտանեկան կյանքի եւ արտաքին աշխարհի հետ կապի պատշաճ մակարդակի ապահովման համար:
Ապրիլի 18-ին Ազգային ժողովում Քրեակատարողական օրենսգրքում եւ «Կալանավորված եւ ձերբակալված անձանց պահելու» մասին օրենքում լրացումներ եւ փոփոխություններ կատարելու օրինագծի քննարկմանն այս մասին ասաց հիմնական զեկուցող, արդարադատության նախարարի տեղակալ Արտակ Ասատրյանը:
Նրա խոսքով՝ արտաքին աշխարհի հետ կապ ապահովելու տեսանկյունից տվյալ փաթեթում կարեւոր առաջարկություն կա: Խոսքը դատապարտյալների հարազատներին եւ մտերիմներին երկարատեւ այցերի հնարավորության տրամադրման մասին է, մասնավորապես այն մասին, որպեսզի դատապարտյալի մտերիմ բարեկամին թույլ տրվի երկու ամիսը մեկ անգամ այցելել ազատազրկված քաղաքացուն:
Ընդ որում պաշտոնյան հավելեց, որ առաջարկվում է նաեւ թույլատրել երկարատեւ այցելությունն այն մարդկանց, որոնք դատապարտյալի ընտանիքի մտերիմ անդամնրը չեն, ամուսնական կարգավիճակում չեն նրա հետ, սակայն նրանցից ընդհանուր երեխաներ ունեն: Տվյալ այցելությունները նույնպես երկու ամիսը մեկ անգամ կանցկացվեն:
Բացի այդ փոխնախարարը պարզաբանեց, որ օրենսդրական փաթեթի համաձայն՝ առաջարկվում է չեղարկել սգո եւ այլ միջոցառումների կարճ այցելության արգելքը, մասնավորապես մոտ հարազատների հուղարկավորությունների, որոնք տարածվում են ծանր հանցագործությունների համար երկարատեւ ժամկետով դատապարտված անձնաց վրա:
«Դատապարտյալին նաեւ կարճատեւ արձակուրդ կտրամադրվի նրա երեխային մանկատուն կամ ազգականներին փոխանցելու դեպքում», -ասաց փոխնախարարը՝ հավելելով, որ նրանք նաեւ առաջարկում են չեղարկել մեկ խցում ցմահ ազատազրկված եւ սահմանափակ ժամանակահատվածով ազատազրկված անձանց պահելու արգելքը:
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
«Ուժեղ Հայաստանի» անունից հանդես եկող, ընտրակաշառք տալու, ստանալու մեղադրանքներով ձերբակալված 3 անձի...
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար
Բացահայտվել են ՌԴ-ից Հայաստան խոշոր չափերի` կանխիկ 72,6 մլն ռուսական ռուբլու ներկրման դեպքեր․ ՊԵԿ
Ռուսաստանն արգելել է «Ջերմուկի» ևս 1,1 մլն շշի վաճառքը
Լոռու մարզի քրեական ոստիկանները սպանության դեպք են կանխել․ կալանավորվել է երեք անձ
Մենք ենք պետք Եվրոպային, թե Եվրոպան` մեզ
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Հանրապետության առանձին շրջաններում սպասվում է կարճատև անձրև և ամպրոպ
Երևանի համայնքապատկան դպրոցների գործունեությունը մշտադիտարկվում և գնահատվում է