Սոցապ փոխնախարարի դրամական միջոցները

«Փաստը» գրում է. «Աշխատանքի և սոցիալական հարցե­րի նախարարի տեղակալ Սմբատ Սաիյանը Բարձրաստիճան պաշտոնատար անձանց էթիկայի հանձնաժողովին է ներկայացրել 2018 թվականի տարեկան հայտարարագիրը: Նախարարի տեղա­կալն անշարժ և շարժական գույք չի հայտարարագրել:

Հայտարարագրում առկա են տվյալ­ներ միայն դրամական միջոցների, եկամտի և փոխառությունների մասին:

2018թ. հարկային տարվա վերջում նրա փոխառության չափը կազմել է 3400 ԱՄՆ դոլար և 10 000 ԱՄՆ դոլար:

Ինչպես 2018թ. հարկային տարվա սկզբում, այնպես էլ հարկային տարվա վերջում դրամական միջոցը կազմել է 10 000 000 ՀՀ դրամ: Փոխնախարարի՝ ՀՀ դրամով ստացած եկամուտների հան­րագումարը կազմել է 13 469 475 ՀՀ դրամ: Նշված եկամտից 6 733 748 ՀՀ դրամը գոյացել է աշխատավարձից: 1 735 727 ՀՀ դրամը և 5 000 000 ՀՀ դրամը գոյացել են ստացված փոխառու­թյուններից (վարկեր):

Տրված փոխառու­թյունների (վարկերի) դիմաց ստացված տոկոսը և այլ հատուցումը ենթաբաժնում էլ նշված է 210 ԱՄՆ դոլարի մասին: Սմբատ Սաիյանը աշխատանքի և սոցիա­լական հարցերի նախարարի տեղակալի պաշտոնին է նշանակվել 2018թ. հունիսին»,-գրում է թերթը:

Մանրամասները՝ թերթի այսօրվա համարում: