Հայտնի է, թե Փարիզի Աստվածամոր տաճարի հրդեհից հետո որտեղ կմատուցվի Ցեղասպանության զոհերի հիշատակի պատարագը

Փարիզի Աստվածամոր տաճարում հրդեհից հետո Հայոց ցեղասպանության զոհերի հիշատակի պատարագը կմատուցվի Փարիզում գտնվող մեկ այլ եկեղեցում՝ Լիբանանի Աստվածամոր տաճարում (Cathédrale Notre-Dame-du-Liban de Paris)։ Այս մասին NEWS.am-ի հետ զրույցում նշեց Ֆրանսիայի հայոց թեմի Փարիզի առաջնորդարանի գանձապետ Համբարձում Թալաթինյանը՝ հավելելով, որ որոշումը կայացվել է երեկ հրավիրված ժողովի ժամանակ։

«1979 թվականից ի վեր Հայոց ցեղասպանության զոհերի հիշատակի պատարագը մատուցվել է Փարիզի Աստվածամոր տաճարում։ Այս տարի Փարիզի Աստվածամոր տաճարում լինելու էր թվով 40-րդ պատարագը, սակայն հրդեհի հետեւանքով որոշվեց պատարագը տեղափոխել մեկ այլ եկեղեցի եւ մատուցել Փարիզի 5-րդ թաղամասում գտնվող Լիբանանի Աստվածամոր տաճարում»,– նշեց նա։

Փարիզի առաջնորդարանի ներկայացուցչի խոսքով՝ պատարագի ամսաթիվը փոփոխություն չի կրել. պատարագը կմատուցվի ապրիլի 22-ին, ժամը 15։30–ին։

Հիշեցնենք, որ Փարիզի Աստվածամոր տաճարում խոշոր հրդեհը սկսվել է երկուշաբթի երեկոյան: Կրակի մարմանը ներգրավվել է մոտ 400 հրշեջ: Նշենք, որ Փարիզի Աստվածամոր տաճարում ապրիլի 22-ին նախատեսված էր Հայոց ցեղասպանության զոհերի հիշատակի պատարագ։ Ապրիլի 24-ը Ֆրանսիայում նշվում է Հայոց ցեղասպանության զոհերի հիշատակի օր։ Այս մասին որոշումը ապրիլի 10-ին ստորագրեց Ֆրանսիայի նախագահ Էմանուել Մակրոնը։

Այս թեմայով Ֆրանսիայում ասել են, որ Փարիզի Աստվածամոր տաճարի վերականգնումը կտեւի ավելի քան հինգ տարի Ճարտարապետները 7 տարբերակ են առաջարկել Փարիզի Աստվածամոր տաճարը վերականգնելու համար Ինչպես է Աստվածամոր տաճարի տանիքում անհայտ անձը կրակ վառում․ (տեսանյութ) Փարիզի Աստվածամոր տաճարի մեղուները հրդեհից չեն վնասվել Փարիզի Աստվածամոր տաճարի վանահայրը չի բացառում, որ հրդեհի պատճառը համակարգչային համակարգի խափանումն էր