ՀՀ իշխանական ուժը փորձել է անդամներ ունենալ ԵԽԽՎ երկու ազդեցիկ խմբակցությունների կազմում, սակայն չի հաջողվել. գործընթացը սառեցված է

«Փաստ» թերթը գրում է.

«Արդեն երկրորդ նստաշրջանն է, որ ՀՀ նոր իշխանությունները մասնակցում են ԵԽԽՎ աշխատանքներին Ստրասբուրգում, սակայն այդպես էլ չի հաջողվում ընդգրկվել եվրոպական քաղաքական ըն­տանիքներից որևէ մեկում, պարզապես չեն կարողանում աշխատել եվրոպական խմբակցությունների հետ:

«Փաստ» թերթի տեղեկու­թյուններով, իշխանական ուժը փորձել է անդամներ ունենալ և´ սո­ցիալիստների խմբում, և´ԵԺԿ-ում՝ հաշվի առնելով, որ նախկինում այդ խմբակցությունների հետ էին աշխատում ՀՀԿ-ականներն ու ՀՅԴ-ականները, որոնք հիմա ԱԺ-ում ներկայացված չեն. առաջիննե­րը՝ ԵԺԿ-ի հետ, երկրորդները՝ սոցիալիստների:

Սակայն, մեր աղբյուրների պնդմամբ, այս գործընթացը սառեցված է, և իշխող խմբակցության ներկայացուցիչներին դեռևս չի հաջողվում մտնել Եվրոպայի երկու ամենաուժեղ և ազդեցիկ խմբակցությունների կազմ: Սա ՀՀ-ի համար բավականին լուրջ խնդիր է, քանի որ ԵԽԽՎ- ում սպասվող բազմաթիվ քվեարկությունների դեպքում կարիք ենք ունենալու այդ խմբակցությունների աջակցության, բայց ներկայացուցիչ չունենալու պարագայում արհեստական խնդիրներ են առա­ջանալու:

Ի դեպ, նշվածները Եվրախորհրդարանի երկու մեծ խմբակցություններն են, և նրանց քվեարկությունն էական նշանա­կություն ունի արդյունքների վրա»,-գրում է թերթը:

Նյութն ամբողջությամբ կարդացեք թերթի այսօրվա համարում: