Պոմպեոն Չինաստանին եւ Ռուսաստանին մեղադրել է Վենեսուելայում իրադրության սրման մեջ
ԱՄՆ պետքարտուղար Մայք Պոմպեոն Չինաստանին եւ Ռուսաստանին մեղադրել է Վենեսուելայում իրադրության սրման մեջ: Նա այս մասին հայտարարել է Լատինական Ամերիկայի երկրներով շրջագայության շրջանակում Չիլիի նախագահ Սեբաստյան Պինյերայի հետ հանդիպման ժամանակ, փոխանցում է AP-ն:
Նրա խոսքով՝ Նիկոլաս Մադուրոյի կառավարությանը Չինաստանի ֆինանսավորումը երկարացնում է Վենեսուելայում ճգնաժամը: «Մադուրոյի ռեժիմին հատկացված չինական սուբսիդիաները օգնել են արագացնել եւ երկարացնել այս երկրում ճգնաժամը»,- ասել է Պոմպեոն՝ հավելելով, որ Չինաստանը 60 մլրդ դոլարից ավելի ներդրումներ է արել՝ «առանց որեւէ սահմանափակման»:
Նա նշել է, որ «Չինաստանը եւ մյուսները երեսպաշտորեն կոչ են անում չմիջամտել Վենեսուելայի գործերին, բայց իրենց ֆինանսական միջամտությունն օգնել է այս երկրի կործանմանը»:
Պոմպեոն հայտարարել է, որ Չինաստանը ԱՄՆ խոշոր առեւտրային գործընկերն է, բայց նրա «առեւտրային գործունեությունը հաճախ սերտորեն կապված է ազգային անվտանգության, տեխնոլոգիական նպատակների, մտավոր սեփականությունը գողանալու ցանկության հետ»:
Նա քննադատել է նաեւ Ռուսաստանի կապերը Կուբայի, Նիկարագուայի եւ Վենեսուելայի առաջնորդների հետ:
«Ակնհայտ սադրանք էին Վենեսուելայում զինվորականների տեղակայումը եւ ուսումնական կենտրոնի բացումը,- ասել է նա: - Մենք չպետք է թույլ տանք, որ Ռուսաստանն այս երկրում սրի առանց այն էլ շատ վտանգավոր իրավիճակը»:
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
«Ուժեղ Հայաստանի» անունից հանդես եկող, ընտրակաշառք տալու, ստանալու մեղադրանքներով ձերբակալված 3 անձի...
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար
Բացահայտվել են ՌԴ-ից Հայաստան խոշոր չափերի` կանխիկ 72,6 մլն ռուսական ռուբլու ներկրման դեպքեր․ ՊԵԿ
Ռուսաստանն արգելել է «Ջերմուկի» ևս 1,1 մլն շշի վաճառքը
Լոռու մարզի քրեական ոստիկանները սպանության դեպք են կանխել․ կալանավորվել է երեք անձ
Մենք ենք պետք Եվրոպային, թե Եվրոպան` մեզ
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Հանրապետության առանձին շրջաններում սպասվում է կարճատև անձրև և ամպրոպ
Երևանի համայնքապատկան դպրոցների գործունեությունը մշտադիտարկվում և գնահատվում է