Պորոշենկոն և Զելենսկին վիճել են ուղիղ եթերում. Տեսանյութ

Նախագահի թեկնածու, Ուկրաինայի գործող նախագահ Պյոտր Պորոշենկոն իր ընդդիմադիր, շոումեն Վլադիմիր Զելենսկուն ապրիլի 11-ի երեկոյան «Իշխանության իրավունք» հաղորդման շրջանակում բանավեճի է հրավիրել։

Սակայն Զելենսկին Ֆրանսիայում է եղել՝ նախագահ Էմանուել Մակրոնի հետ հանդիպման համար։ Զելենսկին հեռախոսով ընդգծել է, որ պատրաստ է բանավեճի, սակայն Օլիմպիսկի մարզադաշտում։ Շոումենն ասել է, որ Պորոշենկոն իրեն տվյալ պահին է հրավիրել՝ իմանալով, որ ինքը երկրում չէ։ Զելենսկին հավելել է, որ նախագահի մարդիկ ամենուր հետևում են իրեն։ Ի պատասխան Պորոշենկոն ասել է, թե ոչ ոք չի հետևում նրա տեղաշարժին։

Նախագահի թեկնածուների միջև վեճ է սկսվել։

«Ամսի 14-ին»,-հայտարարել է Պորոշենկոն։

«Ամսի 19-ին»,-պատասխանել է Զելենսկին՝ ընդգծելով, որ դա իր վերջին խոսքն է և ընդհատել է կապը։

«Մեր թիմը ոչ ոք չի դիրքավորի։ Իսկ հիմա ես ավարտեցի։ Ապրիլի 19-ին, Օլիմպիսկի մարզադաշտում։ Վերջակետ։ Ցտեսություն»,-ասել է շոումենը։

«Վերջակետ, ուրեմն վերջակետ»,-կրկնել է Պորոշենկոն՝ ասելով, որ ապրիլի 19-ին կլինի Սուսպիլնիում՝ ինչպես պահանջում է օրենքը։ Սակայն այդ պահին Զելենսկին արդեն ընդհատել էր կապը։

Այս թեմայով Դմիտրի Մեդվեդեւը՝ Ուկրաինայի նորընտիր նախագահի մասին Հայտնի է` երբ տեղի կունենա Զելենսկու երդմնակալությունը «Ուկրաինան վերափոխվելու ևս մեկ հնարավորություն ստացավ». Տիմոշենկո Կրեմլը հրաժարվել է շնորհավորել Զելենսկիին հաղթանակի կապակցությամբ Ուկրաինայի նախագահական ընտրություններում հաղթած Զելենսկիի առաջին 7 խոստումները. (տեսանյութ)