Իմ և վարչապետի հարաբերությունները պաշտոնական են. Գագիկ Հարությունյան
Այսօր կա հնարավորություն ունենալ անկախ դատական իշխանություն, և դատական համակարգի վերաբերյալ իմ դիրքորոշումն այսօր չէ, որ արտահայտվում է: Այս մասին լրագրողների հետ զրույցում ասաց բարձրագույն դատական խորհրդի նախագահ Գագիկ Հարությունյանն՝ անդրադառնալով հարցին, թե այսօր հնարավո՞ր է անկախ դատական համակարգի մասին խոսել:
Դիտարկմանը, թե վարչապետն ասում է՝ դատավորներին զանգեր չեն լինում, նախկինում եղե՞լ են, Գագիկ Հարությունյանը պատասխանեց. «Այսպես կոչված հեռախոսային արդարադատության մասին նման հարցերը պրիմիտիվ մոտեցում են: Ժամանակին կարող է շատ են եղել զանգեր կամ քիչ, բայց արդարադատության համար երաշխիքները պետք է չորսը լինեն՝ ֆունկցիոնալ, ինստիտուցիոնալ, նյութական, սոցիալական: Ես խորապես համոզված եմ, որ այդ երաշխիքներն այսօր էլ անբավարար են և մեր ամբողջ այս գործունեությունն ուղղված է այդ երաշխիքների ստեղծմանը: Եթե ստեղծվում է օբյեկտիվ երաշխիքը, սուբյեկտիվ միջամտությունը զրոյացվում է»,- նշեց նա:
Անդրադառնալով դիտարկմանը, որ անցած տարի, երբ ընթանում էր ԲԴԽ անդամներից 5-ի ընտրությունը, Նիկոլ Փաշինյանը կասկածի տակ էր դրել նրա ընտրությունը, և հարցին՝ ներկայում դժվար չէ՞ Ձեզ համար ընդունել նրան՝ որպես երկրի ղեկավար, հիմա ինչպիսի՞ն են նրանց հարաբերությունները, Հարությունյանը պատասխանեց. «Ցանկացած ընտրության ժամանակ էլ կարող են լինել տարաբնույթ խոսակցություններ և այդ ընտրությունների արդյունքները որևէ ձևով չեն վիճարկվել: Մեր հարաբերություններն էլ նորմալ, պաշտոնական հարաբերություններ են»:
Ինչ վերաբերում է վարչապետի այն հայտարարությանը, որ նախորդ ԱԺ-ն լեգիտիմ չէր, հետևաբար նրա կողմից ընտրված ԲԴԽ անդամներն էլ լեգիտիմ չեն, Հարությունյանն արձագանքեց՝ այդ նույն Ազգային ժողովն ընտրել էր նաև վարչապետ, ընտրել էր նաև երկրի նախագահ: «Երկրում պետք է լինի նաև ինստիտուցիոնալ հիշողություն, չի կարելի ամեն ինչին մոտենալ այսպես՝ «հին աշխարհը կքանդենք»: Դա սխալ մոտեցում է, պետք է զարգացում լինի»,- ասաց նա:
Գագիկ Հարությունյանն անդրադարձավ նաև դատական համակարգի ներկայացուցիչների` դատարան դիմելուն, որով նրանք կասկածի տակ են դնում Հարությունյանի լեգիտիմությունը:
«Ես չեմ մեկնաբանի նրանց ասածն ու արածը: Այդտեղ որևէ օրենսդրական խնդիր առկա չէ ո՛չ Սահմանադրությամբ, ո՛չ դատական օրենսգրքով, ոչ էլ մեկ այլ որևէ իրավական ակտով: Նման սահմանափակում գոյություն չունի: Այստեղ բացարձակապես որևէ խնդիր չկա»,- շեշտեց նա:
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
«Ուժեղ Հայաստանի» անունից հանդես եկող, ընտրակաշառք տալու, ստանալու մեղադրանքներով ձերբակալված 3 անձի...
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար
Բացահայտվել են ՌԴ-ից Հայաստան խոշոր չափերի` կանխիկ 72,6 մլն ռուսական ռուբլու ներկրման դեպքեր․ ՊԵԿ
Լոռու մարզի քրեական ոստիկանները սպանության դեպք են կանխել․ կալանավորվել է երեք անձ
Ռուսաստանն արգելել է «Ջերմուկի» ևս 1,1 մլն շշի վաճառքը
Մենք ենք պետք Եվրոպային, թե Եվրոպան` մեզ
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Հանրապետության առանձին շրջաններում սպասվում է կարճատև անձրև և ամպրոպ
Երևանի համայնքապատկան դպրոցների գործունեությունը մշտադիտարկվում և գնահատվում է