Ադրբեջանի պաշտպանության նախարարը հանձնարարել է բանակին պատրաստ լինել մարտական գործողություններին
Ադրբեջանի պաշտպանության նախարար Զաքիր Հասանովը հանձնարարել է երկրի զինված ուժերի ստորաբաժանումներին մշտապես պատրաստ լինել ակտիվ մարտական գործողություններ սկսելուն, հաղորդում է ՏԱՍՍ-ը՝ հղում կատարելով պաշտպանության նախարարության հաղորդագրությանը:
«Նախարարը հստակ ցուցումներ է տվել բոլոր մակարդակների հրամանատարներին եւ ղեկավարներին մշտական հսկողություն սահմանել թշնամու գործողությունների նկատմամբ, վճռական պատասխան տալ նրա հնարավոր սադրանքներին եւ ցանկացած պահի պատրաստ լինել ակտիվ մարտական գործողություններ սկսելուն»,-ասվում է հաղորդագրության մեջ: Ավելին, նախարարը նշել է, որ «բոլոր պլանային զորավարժություններն ուղղված են լայնածավալ հարձակողական գործողություններ իրականացնելուն»:
Պաշտպանության նախարարը հանձնարարել է համապատասխան պաշտոնյաներին ավելացնել վարժանքների ինտենսիվությունը, հատկապես գիշերային ժամերին, հնարավորինս ռազմական պայմաններում եւ տեղանքում, բարձրացնել զինծառայողների մարտունակության մակարդակը եւ ստորաբաժանումների անվտանգությունը,-նշվում է հաղորդագրության մեջ:
Ըստ մամուլի ծառայության տվյալների՝ նիստին մասնակցել են պաշտպանության փոխնախարարը, զորքերի հրամանատարները, նախարարության գլխավոր վարչությունների եւ ծառայությունների ղեկավարները:
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
ԱՄՆ-ի գործողությունները Հորմուզի նեղուցում փակուղի են. Արաղչի
Մակրոնը և Սթարմերը Ուկրաինայի հարցով հանդիպում են հրավիրել
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Վահագն Խաչատուրյանը և Նիկոլ Փաշինյանը պարգևատրվել են Ֆրանսիայի Պատվո լեգեոն-Մեծ խաչ շքանշանով, Մակրո...
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
Ջերմուկում հայտնաբերված կարմիրգրքյան գորշ արջի քոթոթները տեղափոխվել են ապաստարան․ ԲԸՏՄ