ԱՄՆ փոխնախագահը կրկին Անկարային Ս-400-ներից հրաժարվելու կոչ է արել

ԱՄՆ փոխնախագահ Մայք Փենսը կրկին Անկարային ռուսական Ս-400-ների գնումից հրաժարվելու կոչ է արել՝ հայտնում է Reuters-ը։

«Թուրքիան պետք է ընտրություն կատարի։ Նա ուզում է պատմության մեջ ամենահաջողակ ռազմական դաշինքի կարեւոր գործընկե՞ր մնա, թե՞ վտանգի այդ գործընկերության անվտանգությունը՝ ընդունելով նման անխոհեմ որոշումներ, որոնք պառակտում են մեր դաշինքը»,- Վաշինգտոնում ՆԱՏՕ-ի միջոցառման ժամանակ ասել է Փենսը։

Ավելի վաղ Թուրքիայի ԱԳ նախարար Մեւլութ Չավուշօղլուն հայտարարել էր, որ Թուրքիան Միացյալ Նահանգներին առաջարկել է ձեւավորել տեխնիկական աշխատանքային խումբ, որպեսզի համոզվեն, որ Ս-400-ները վտանգ չեն ներկայացնում ԱՄՆ-ի կամ ՆԱՏՕ-ի համար։ Նա նաեւ հավելել էր, որ Ս-400 համակարգերի հետ կապված գործարքն արդեն կատարվել է, եւ Անկարան դրանից չի հրաժարվի։ Չավուշօղկուի խոսքերով, Անկարան չպետք է ընտրություն կատարի Ռուսաստանի եւ մյուս պետությունների միջեւ։ «Մենք մեր հարաբերությունները Ռուսաստանի հետ չենք դիտարկում որպես այլ երկրների հետ հարաբերությունների այլընտրանք։ Եւ ոչ ոք, ո՛չ Արեւմուտքը, ո՛չ Ռուսաստանը չպետք է եւ չեն կարող խնդրել մեզ ընտրություն կատարել իրենց միջեւ»,- հավելել էր նա։

Այս թեմայով Էրդողանն ու Թրամփը հեռախոսազրույց են ունեցել Ռուսական С-400 ՀՕՊ համակարգերը Թուրքիայում կլինեն 2019-ի ամռանը Էրդողանը խոստացել է շարունակել Թուրքիայի անվտանգության ամրապնդումը նաև С-400-ի գնումով Թուրքիայի արտգործնախարար. «ԱՄՆ-ն արդեն չափն անցնում է» Վաշինգտոնի և Անկարայի վեճը սրվում է