Ինչու՞ է ՀՀԿ-ն բոլորիս էշի տեղ դնում

«Իրազեկ քաղաքացիների միավորումը» շատ մեծ ծավալի աշխատանք է կատարել և փաստեր է հավաքել այն մասին ինչի մասին տարիներ շարունակ խոսվել են քաղաքական ուժերը, բայց նմանօրինակ լուրջ ապացույցներ չեն ներկայացրել, այն է՝ հավաքագրել է ավելի դպրոցների և մանկապարտեզների տնօրեններին որոնք ընտրություններից ընդառաջ ցուցակագրումներ են արել հօգուտ ՀՀԿ-ի:
«Իրազեկ քաղաքացիների միավորում» ՀԿ-ի աշխատանքը պետք է առաջին հերթին գրավեր իրավապահ մարմինների ուշադրությունը և իրենք պետք է քրեական գործ հարուցեին կատարվածի վերաբերյալ, բայց դե սա Սերժ Սարգսյանի «Ապահով Հայաստանն է», որտեղ իրավապահ մարմինները զբաղված են միայն տարբեր մարդկանց գրպանները պլան գցելով ու ուրիշների ավտոտնակներում «ԻԳԼԱ» գցելով, այդ իսկ պատճառով գործին ընթացք չի տրվում:
Հետաքրքիր է նաև ՀՀԿ-ի արձագանքը: Իրենք ասում են, թե «Ցավում ենք, որ ազնիվ և արդար ընտրությունների համար առաքելություն ստանձնած կազմակերպությունը իր գործունեության մեջ դիմել է քաղաքականապես ուղղորդված անազնիվ գործելաոճի»: Զգում եք չէ, սաղիս էշի տեղ են դնում սրանք: Այսինքն այն, որ իրենք ստիպում են տնօրեններն իրենց համար մարդ ցուցակագրի դա հեչ, դա անազնիվ պայքար չէ, իսկ, ահա, «Իրազեկ քաղաքացիների միավորում» ՀԿ-ի արածն իրենց համար անազնվություն է: Բայց ՀՀԿ-ում առավել փայլեց իրենց կարկառուն անդամ, ԱԺ փոխնախագահ, Գալուստ Սահակյանի «բարի ավանդույթները» շարունակող Հերմինե Նաղդալյանը, ով ասաց թե՝ «Ցուցակագրումը կազմակերպչական աշխատանք է»:
Գիտեք, իմ մոտ տպավորություն է, որ եթե մի օր հրապարակում լինի ՓԱՍՏԱՐԿՎԱԾ (ՖՈՏՈՆԵՐՈՎ, ՏԵՍԱՆՅՈՒԹԵՐՈՎ) թե ոնց է ՀՀԿ-ն իր աշխատանքների համար անչափահաս երեխաներին շահագործում: ՀՀԿ-ից արձագանք կլինի, թե քանի որ հրապարակումում «X» ԶԼՄ-ն կամ «Y» ՀԿ-ն չի ներկայացրել երեխաների ծննդյան վկայականները, կեղծ են այն բոլոր պնդումները, թե ՀՀԿ-ն երեխաներ է շահագործում. ու հետո էլ կարող են «День выборов» ֆիլմի սցենարին համապատասխան ասել, թե իրականում դա լիլիպուտների երթ էր:
Արմեն Միքայելյանի ֆեյսբուքյան էջից