«Վաղ թե ուշ այդ ընտրությունները տեղի են ունենալու, և ես թեկնածուներից մեկն եմ». Ս. Մաշալյանը հայտնել է, որ Պոլսո Հայոց պատրիարքի ընտրության գործընթացը կսկսվի ապրիլի 21-ից
Պոլսո Հայոց պատրիարքարանի կրոնական խորհրդի նախագահ Սահակ Մաշալյանը Ստամբուլի հայկական պարբերականներից «ՀայԹերթ»-ի հետ զրույցում հայտնել է, որ Պոլսո Հայոց նոր պատրիարքի ընտրության կազմակերպման պաշտոնական գործընթացը կմեկնարկի ապրիլի 21-ից՝ Սբ Զատկից հետո, երբ կավարտվի նաև պատրիարքության կողմից հայտարարված եկեղեցական սուգը:
Հիշեցնենք, որ Պոլսո Հայոց 84-րդ պատրիարք Մեսրոպ Մութաֆյանը մահացել է մարտի 8-ին՝ շուրջ 10 տարի ծանր հիվանդության պատճառով կոմայի մեջ գտնվելուց հետո: Նրա պարտականությունները շարունակում է կատարել Արամ արքեպիսկոպոս Աթեշյանը, որը նշանակվել է պետության կողմից:
Ստամբուլի հայ համայնքի ներկայացուցիչները տևական ժամանակ է՝ պահանջում էին նոր ընտրությունների անցկացման որոշում կայացնել՝ ցանկանալով իրենց հոգևոր առաջնորդի դերում տեսնել ոչ թե պետության կողմից նշանակված, այլ իրենց ձայների արդյունքում ընտրված անձի, սակայն նոր ընտրության կազմակերպումը պարբերաբար խոչընդոտվել է՝ պատճառաբանությամբ, որ «պատրիարք Մութաֆյանը դեռ ողջ է»:
Մաշալյանը տեղեկացրել է, որ նախընտրական գործընթացը կարող է ղեկավարվել պատրիարքի գործող փոխանորդ Արամ Աթեշյանի կողմից, միևնույն ժամանակ եկեղեցական խորհուրդն իրավասու է ընտրությունների կազմակերպման համար պատրիարքի տեղապահ ընտրել, որն էլ կղեկավարի ամբողջ գործընթացը մինչ նոր պատրիարքի ընտրությունը:
Թե որ սցենարով կզարգանան իրադարձությունները՝ կորոշի եկեղեցական խորհուրդը՝ ապրիլի 21-ից հետո:
Պարբերականի հետ զրույցում Մաշալյանը նաև հաստատել է, որ ինքը նույնպես մտադիր է առաջադրվել որպես պատրիարքի թեկնածու:
«Վաղ թե ուշ այդ ընտրությունները տեղի են ունենալու, և ես թեկնածուներից մեկն եմ», - ասել է կրոնական խորհրդի նախագահը:
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
ԱՄՆ-ի գործողությունները Հորմուզի նեղուցում փակուղի են. Արաղչի
Մակրոնը և Սթարմերը Ուկրաինայի հարցով հանդիպում են հրավիրել
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Վահագն Խաչատուրյանը և Նիկոլ Փաշինյանը պարգևատրվել են Ֆրանսիայի Պատվո լեգեոն-Մեծ խաչ շքանշանով, Մակրո...
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
Ջերմուկում հայտնաբերված կարմիրգրքյան գորշ արջի քոթոթները տեղափոխվել են ապաստարան․ ԲԸՏՄ