Լոմբարդներում տոկոսը հասնում է 100-120 տոկոսի. դրանք փոքր ու միջին բիզնեսի ձեւ չեն. Արթուր Ջավադյան
Կարելի է սահմանափակել լոմբարդների տոկոսադրույքները, քանի որ այդտեղ տոկոսադրույքներն ավելի բարձր են: Այս մասին այսօր՝ մարտի 21-ին, ՀՀ կառավարության նիստում նշեց ԿԲ նախագահ Արթուր Ջավադյանը:
«Ես համոզված եմ, որ 90 տոկոսով, գյուղացիները հենց այդպիսի կառույցներից են վարկ վերցնում»,-ասաց Ջավադյանը՝ չբացառելով, որ լոմբարդներում վարկի տոկոսադրույքը կարող է լինել 40 տոկոս:
«Լոմբարդները փոքր ու միջին բիզնեսի ձեւ չեն: Նախորդ տարի 129 լոմբարդ 40 մլն դրամի հարկ է տվել: 17 բանկ նախորդ տարի 49 մլրդ դրամի հարկ է տվել: Հիմա քննարկումներ են գնում, ասում են՝ պետք է պաշտպանել փոքր ու միջին բիզնեսի շահերը: Դրա փոքր ու միջին բիզնեսը ո՞րն է: Ֆինանսական կառույցը չի կարող լինել փոքր ու միջին բիզնես»,-ասաց ԿԲ նախագահը՝ հավելելով. «վստահեցնում եմ, որ լոմբարդներում տոկոսները հասնում են 50, 60, 70 տոկոսի»:
Վարչապետի զարմացած հարցին, թե 80 տոկոսով վարկ կա՞, Ջավադյանը արձագանքեց, որ կա վարկ 100 եւ անգամ 120 տոկոսով:
«Հայաստանում հարյուր տոկոսով վարկ կա՞»,- հարցրեց վարչապետը, եւ Արթուր Ջավադյանը նշեց, որ կարծում է՝ դրանից ավել էլ կա:
Վարչապետի խոսքով, մամուլի հրապարակումներից այնպիսի տպավորություն է, որ կառավարությունն ընկել է խեղճուկրակ լոմբարդների հետեւից եւ ուզում է խեղդել փոքր ու միջին բիզնեսը:
Փոխվարչապետ Մհեր Գրիգորյանը նշեց, որ վատ բան չի տեսնում, որ մարդուն հեռուստացույց առնելու համար վարկը տվել են 50 տոկոսով. «Թող չառներ: Թող ավելի լավ տեղից վարկ վերցներ: Սա վաշխառություն չէ, սա շուկա է: Եթե մարդը ունի վատ վարկային պատմություն, այո, նրա վարկը պետք է լինի 50 տոկոս, ինչու ոչ: Շուկայի վրա էլ շատ ազդել պետք չէ, քանի որ տոկոս սահմանափակելը լավ չէ»:
Նիկոլ Փաշինյանն անդրադարձավ ֆինանսական գրագիտությանը. «Ֆինանսական հարաբերություներում եւ ընդհանրապես բոլոր հարաբերություններում ամենակարեւոր արձանագրումը հետեւյալն է, որ ամեն մարդ ի վերջո ինքն է պատասխանատու իր գործունեության հետեւանքների համար: Սա ՀՀ-ում շատ դեպքերում արձանագրված չէ»,-ասաց նա:
Ավելի վաղ NEWS.am-ը հայտնել էր, որ կառավարությունն առաջարկում է «Պետական տուրքի մասին» ՀՀ օրենքում փոփոխություններ կատարել, ըստ որոնց 60 անգամ, այն է՝ 6000 տոկոսով, ավելացվելու է նշյալ ոլորտների պետական տուրքը․ գրավատների համար ներկայիս 100 000 դրամի փոխարեն սահմանվելու է 6 մլն, փոխանակման կետերի համար՝ 50 000-ի փոխարեն 3 մլն դրամ պետական տուրք:
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Ստեփանծմինդա-Լարս ավտոճանապարհը փակ է
Պետական արգելոցի ֆոտոթակարդները կրկին նկարահանել են կովկասյան ընձառյուծին
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...