Հոլանդական ֆուտբոլը խորը ճգնաժամում է

Ֆուտբոլի աշխարհի առաջնության ընտրական մրցափուլի հերթական տուրում երեկ կայացավ ինը հանդիպում:

A խմբում Շվեդիան 4:0 հաշվով հաղթեց Բելառուսին, Բուլղարիան 2:0 հաշվով հաղթեց Հոլանդիային:Այս խաղում հոլաքնդացիները անհաջող հանդիպում անցկացրին, իսկ բուլղարները խաղի սկզբում երկու գոլ խփելով, հետագայում կենտրոնացան հաշիվը ցանկացած ձեւով պահելու վրա:  Բուլղարները մեկ թավալվում էին խոտածածկին կամ էլ պահեստայինի նստարանից գնդակ էին դաշտ նետում հոլանդացիների գրոհը կասեցնելու համար: Այս խմբի մյուս խաղում Ֆրանսիան մրցակցի դաշտում 3:1 հաշվով հաղթեց Լյուքսեմբուրգին: 

Հինգ տուրից հետո Ֆրանսիան ունի 13, Շվեդիան՝ 10, Բուլղարիան՝ 9, իսկ հոլանդիան 7 միավոր:

B խմբում Անդորրա-Ֆարերյան կղզիներ հանդիպումն ավարտվեց 0:0 հաշվով: Շվեյցարիան 1:0 հաշվով հաղթեց Լատվիային, իսկ Պորտուգալիան 3:0 հաշվով հաղթեց Հունգարիային: Երկու գոլի հեղինակ դարձավ Ռոնալդուն:

Այս խմբում Շվեյցարիան ունի 15, իսկ Պորտուգալիան՝ 12 միավոր:

H խմբում Բոսնիա եւ Հեցեգովինան 5:0 հաշվով հաղթեց Ջիբրալթարին: Բելգիան 1:1 խաղաց Հունաստանի հետ: Ընդ որում, հույները խաղի վերջում մնացել էին՝ ինը հոգով: Կիպրոս-Էստոնիա խաղն էլ ավարտվեց 0:0 հաշվով:

Բելգիան 13 միավորով առաջինն է: Հույները երկու միավոր քիչ ունեն, իսկ բոսնիացիները 10 միավորով երրորդն են:

Top-News.am