Թուրքիայի իշխանությունները կոչ են արել Անթալիայի հյուրանոցների սեփականատերերին ավելացնել զբոսաշրջիկների ծախսերը
Թուրքական հանգստավայրը կրկին պատրաստվում է հյուրընկալել ռեկորդային թվով զբոսաշրջիկների 2019 թվականի ընթացքում: Քաղաքային իշխանությունները խոստանում են ներմուծել մի շարք փոփոխություններ ամենատարբեր ոլորտներում՝ սկսած օդանավակայանում սպասարկումից եւ վերջացրած ռեստորաններով եւ տաքսիներով, հաղորդում է ՌԻԱ Նովոստի-ն՝ հղում կատարելով ԱՏՕՌ-ին:
Անթալիայում կայացել է խորհրդակցություն, որի ընթացքում հնչեցվել են նպատակներն ու խնդիրները 2019 թվականի համար: Ինչպես հայտարարել է նահանգապետ Մունիր Քարալօղլուն, այս տարի հանգստավայրում զբոսաշրջիկների հոսքը կավելանա 20-25 տոկոսով: Այդկերպ Անթալիան ձգտում է հյուրընկալել ավելի քան 16 մլն օտարերկրյա հյուրերի:
Քարալօղլուն հիշեցրել է հյուրանոցների սեփականատերերին, որ նրանք պատասխանատու են զբոսաշրջիկների ծախսերի աճի համար. այժմ նրանք պետք է կենտրոնանան «որակյալ հյուրերի վրա», որոնց կհետաքրքրի ոչ միայն հանգիստը լողափում, այլ նաեւ մշակույթը, կերակրատեսակները եւ Թուրքիայում հանգստի այլ ձեւերը: Անթալիայի նահանգապետի խոսքերով՝ այժմ նկատվում է որոշակի անարդար միտում՝ «լցնելով հյուրանոցները»՝ դեռեւս չի հաջողվել «լցնել փողոցներն ու շուկաները», որպեսզի զբոսաշրջիկները լողափից հեռանալուց հետո ազատ ժամանակն անցկացնեն հյուրանոցներից դուրս:
Այդ առնչությամբ իշխանությունները մտադիր են ուժեղացնել վերահսկողությունը նաեւ ռեստորանների սեփականատերերի նկատմամբ: Ինչպես հայտարարել է Քարալօղլուն, իշխանությունները քաջատեղյակ են զբոսաշրջիկներին խաբելու եւ ծառայությունների գներն արհեստականորեն բարձրացնելու դեպքերի մասին:
Նահանգապետը խոստացել է նաեւ կարգուկանոն հաստատել Անթալիայում տաքսիստների շրջանում: Այս տարի բոլոր «սեզոնային» տաքսիստները կանցնեն հատուկ դասընթացներ: Անհրաժեշտ է մաքրել շուկան առանց արտոնագրի փոխադրողներից, որոնք կապ են հաստատում իրենց օտարերկրյա հաճախորդների հետ սոցցանցերի միջոցով:
Լուրեր Հայաստանից - NEWS.am
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ղարաբաղից տեղահանվածները պետք է կապեն իրենց ապագան Հայաստանի հետ
Առանց ռուսական նավթի, երբ մոտ է վառելիքի գլոբալ դեֆիցիտը
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Պետական արգելոցի ֆոտոթակարդները կրկին նկարահանել են կովկասյան ընձառյուծին
Արսեն Զախարյանի տրանսֆերային արժեքն աճել է
Մակրոնը ոչ մի բառով չի դատապարտել Իսրայել-ԱՄՆ Իրանի դեմ պատերազմը. Արաղչի
Գվարդիոլան արդեն այնքան հանդիպումներ է անցկացրել, որ ես չեմ համարձակվի նրան խորհուրդներ տալ
Հայաստանի և Օմանի ԱԳ նախարարների քննարկումները շարունակվել են աշխատանքային ընթրիքի ձևաչափով