Բաքվում 19-ամյա աղջիկը դանակահարել է հորը

Բաքվի 19-ամյա բնակչուհի Գյունել Հուսեյնովան մեջքից դանակի երեք հարված է հասցրել հորը:

Ինչպես հայտնում է Новости-Азербайджан-ը՝ հղում անելով մայրաքաղաքային ոստիկանությանը, միջադեպը տեղի է ունեցել փետրվարի 20-ի գիշերը: 49-ամյա Իլհամ Հուսեյնովին ծանր վիճակում տեղափոխել են քաղաքային հիվանդանոց:

Ոստիկանության աշխատակիցները ձերբակալել են աղջկան: Հարցաքննության ժամանակ աղջիկն ասել է, որ չի ցանկացել սպանել հորը, սակայն նա ստիպել է իրեն ձեռքն առնել դանակը:

Նրա խոսքով՝ հայրն անկանոն կենսակերպ էր վարում և մշտապես հարբում էր: Ընտանիքի հայրը ոչ սթափ վիճակում էր տուն գալիս և սկանդալ սարքում, ինչն էլ լցրել էր ընտանիքի անդամների համբերության բաժակը: Այդ օրն էլ աղջիկը, զայրանալով հարբած հոր արարքներից, ցասման պահին վերցրել է դանակն ու հարվածել նրան երեք անգամ:

Այս թեմայով Հայաստանի և Ադրբեջանի ԱԳ նախարարների հանդիպումը կկայանա փետրվարի 28-29-ը Բեռլինում. ԱԳՆ խոսնակ ԱՄՆ-ն «ձեռքերը լվացել է» Հայաստան-Ադրբեջան բանակցային գործընթացից. Արթուր Խաչատրյան Ալիևը պաշտոնական այցով ժամանել է Թուրքիա Ադրբեջանն ու Ղազախստանը համատեղ վարժանքներ կանցկացնեն «Ռոյթերզ». «Մոսկվան լարվածություն է բորբոքել հօգուտ Ադրբեջանի»