Ալիևի որդին շքեղ առանձնատուն ունի` Մեդվեդևի նստավայրի հարևանությամբ

Ադրբեջանի նախագահ Իլհամ Ալիևի որդին` Հեյդար Ալիև կրտսերը, 9 տարեկանում դարձել է Մոսկվայի Ռուբլևո-Ուսպենկսի մայրուղում գտնվող «Մայենդորֆ այգիներ» փակ բնակավայրում տեղակայված շքեղ առանձնատան սեփականատեր: Այդ մասին գրում է proekt.media-ն:

Նշվում է, որ առանձնատան հարևանությամբ Դմիտրի Մեդվեդեևի նստավայրն էր, երբ նա ՌԴ նախագահն էր:

Այդ գյուղում սեփականություն ունեն ռուս հայտնի գործարարներ Վլադիմիր Լիսինը, Իսկանդեր Մահմուդովը, Անդրեյ Բոկարևը, Դմիտրի Մազելինը և այլք:

Հեյդար Ալիև կրտսերի տան մակերեսը 1,6 հազար քառակուսի մետր է, տնամերձ տարածքինը` 7 հազար քմ:

«Մայենդորֆի այգիներ»-ը, կարելի է ասել, Ալիևների ընտանեկան բույնն է. ոչ հեռու Իլհամ Ալիևի ավագ դստեր` Լեյլայի տունն է, որը նա ձեռք է բերել 20 տարեկանում:

Նշվում է, որ կրտսեր Ալիևի տան և տնամերձ տարածքի փաստաթղթերը նախապես ձևակերպված են եղել Արիֆ Փաշաևի անունով` նախագահի աներոջ: Փաշաևը մեկ տարի անց նվիրել է այն Հեյդար Ալիև կրստերին: Պայմանագիրը ձևակերպվել է 2007-ին, այդ իսկ պատճառով անշարժ գույքի գինը դժվար է գնահատել, սակայն նման տարածքով տների գինը ներկայումս 35 մլն դոլար է:

Ալիևները` նա և կինը, նաև բնակարան ունեն Մոսկվայի շքեղ թաղամասում` Մեծ Յակիմանկա, 26 հասցեով:

Ըստ նյութի հեղինակի` Ռուբլյովկայում գտնվող առանձնատունը միակը չէ, որ Ադրբեջանը նախագահը գրանցել է Հեյդար Ալիև կրտսերի անունով. 2009-ին ` 11 տարեկան հասակում նա դարձել է Դուբայում գտնվող 9 առանձնատների սեփականատեր:

Այս թեմայով Հայաստանի և Ադրբեջանի ԱԳ նախարարների հանդիպումը կկայանա փետրվարի 28-29-ը Բեռլինում. ԱԳՆ խոսնակ ԱՄՆ-ն «ձեռքերը լվացել է» Հայաստան-Ադրբեջան բանակցային գործընթացից. Արթուր Խաչատրյան Ալիևը պաշտոնական այցով ժամանել է Թուրքիա Ադրբեջանն ու Ղազախստանը համատեղ վարժանքներ կանցկացնեն «Ռոյթերզ». «Մոսկվան լարվածություն է բորբոքել հօգուտ Ադրբեջանի»