Ադրբեջանում մտադիր են արգելել ապագա երեխայի սեռի պարզումը
Ադրբեջանի խորհրդարանի պատգամավորները պատրաստվում են արգելել ապագա երեխայի սեռը պարզելու պրակտիկան, սակայն դեռևս հայտնի չէ, թե ինչպես է գործելու այդ արգելքը:
Ինչպես նշում է Sputnik-ի ադրբեջանական ծառայությունը, երկրի խորհրդարանի գարնանային նստաշրջանում քննարկման կդրվի «Վերարտադրողական առողջության մասին» օրենքի նախագիծը, որի հոդվածներից մեկի համաձայն՝ երկրում կարգելվի ուլտրաձայնային հետազոտության միջոցով ապագա երեխայի սեռի պարզումը:
Բաքվում Առողջապահության համաշխարհային կազմակերպության ներկայացուցչության ղեկավար Ռանդե Խարմանչին առարկել է, որ պետք է արգելել ոչ թե ապագա երեխայի սեռի ճշտումը, այլև սեռով պայմանավորված հղիության արհեստական ընդհատումները: Խարմանչին նաև վստահություն է հայտնել, որ ժամանակի ընթացքում Ադրբեջանում սելեկտիվ աբորտների քանակը կկրճատվի:
Օրենքի նախագծի հեղինակները չեն ցանկացել նախօրոք խոսել արգելքի վերահսկման և մեխանիզմների մասին, սակայն հայտնել են, որ, ըստ օրենքի, ծնողներին ապագա երեխայի սեռը հայտնած բժիշկները կպատժվեն՝ բացառությամբ այն դեպքերի, երբ երեխայի մոտ սեռական օրգանների զարգացման շեղումներ են դիտվում:
ՄԱԿ-ի տվյալներով՝ Ադրբեջանը նորածինների շրջանում սեռերի հարաբերակցության խախտման առումով աշխարհում երկրորդ պետությունն է: Պատճառը սեռով պայմանավորված հղիության արհեստական ընդհատումներն են. ապագա ծնողները, հատկապես գյուղական բնակավայրերում, նախապատվությունը տալիս են արու զավակներին:
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Մակրոնը և Սթարմերը Ուկրաինայի հարցով հանդիպում են հրավիրել
ԱՄՆ-ի գործողությունները Հորմուզի նեղուցում փակուղի են. Արաղչի
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Վահագն Խաչատուրյանը և Նիկոլ Փաշինյանը պարգևատրվել են Ֆրանսիայի Պատվո լեգեոն-Մեծ խաչ շքանշանով, Մակրո...
ԿԸՀ-ն սահմանել է նախընտրական քարոզչության ժամանակ հեռարձակողների կողմից եթերաժամ տրամադրելու կարգը
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա