«Մանչեսթեր Յունայթեդը» 22 միլիոն եվրո փոխհատացում է վճարել Ժոզե Մոուրինյոյին

Անգլիական «Մանչեսթեր Յունայթեդը» թիմի գլխավոր մարզիչի պաշտոնից հեռացված Ժոզե Մոուրինյոյին ու նրա մարզչական շտաբին փոխհատուցում է վճարել պայմանագիրը ժամանակից շուտ խզելու համար։

Sky Sports-ի համաձան՝ պորտուգալացի մասնագետը ստացել է 19․6 միլիոն ֆունտ ստերլինգ (22․3 միլիոն եվրո)։

Հիշեցնենք, որ 56-ամյա Մոուրինյոն անգլիական ակումբը գլխավորում էր 2016 թվականից: Այդ ընթացքում «Մանչեսթեր Յունայթեդը» նվաճել է Անգլիայի Սուպերգավաթը, Անգլիական լիգայի գավաթը եւ Եվրոպայի լիգայի հաղթողի կոչումը: Պորտուգալացու պայմանագիրը նախատեսված էր մինչեւ 2020 թվականի հուլիսը:

Մինչեւ այս մրցաշրջանի ավարտը «Մանչեսթեր Յունայթեդի» գլխավոր մարզիչի պաշտոնակատար է նշանակվել է նորվեգացի մասնագետ Ուլե-Գունար Սուլշերը, որը մանչեսթերյան ակումբում խաղացել է 1996-2007-ը: