ՀՀ վարչապետը չի պատասխանում հանդիպելու առաջարկին. Ստանիսլավ Զասը` ՀԱՊԿ գլխավոր քարտուղարի պաշտոնում իր նշանակման մասին

Բելառուսի Անվտանգության խորհրդի պետքարտուղար և ՀԱՊԿ գլխավոր քարտուղարի պաշտոնի թեկնածու Ստանիսլավ Զասը մեկնաբանել է իր նշանակման հարցում վերջին զարգացումները՝ նշելով, որ Հայաստանի ղեկավարությունը չի պատասխանում իր հետ հանդիպման խնդրանքին:

«Գործընթացը ոչ մի կերպ առաջ չի գնում, դեռևս ոչ մի տեղաշարժ: Հայաստանի վարչապետի հետ հանդիպումը դեռևս չի կայացել: Ես առաջարկ եմ ուղարկել հանդիպելու ցանկացած հարմար պահի, բայց դեռ պատասխան չեմ ստացել: ՀԱՊԿ մյուս անդամ երկրներն աջակցություն են հայտնել Բելառուսի թեկնածուին», - Մինսկում լրագրողներին ասել է Զասը:

Պատասխանելով հարցին, թե արդյոք որոշումը կարող է կայացվել առանց Հայաստանի համաձայնության, Զասը պատախանել է. «ՀԱՊԿ կանոնադրությամբ նախատեսված է որոշման ընդունումը սահմանափակ կազմով, սակայն դա լավագույն տարբերակը չէ, իհարկե: Նման որոշումները պետք է ընդունվեն համաձայնությամբ: Դա նորմալ, անխափան աշխատանքի գրավականն է»:

Այս թեմայով Պեսկով. ՌԴ-ն կշարունակի Հայաստանի հետ պարզել Փաշինյանի խոսքերը ՀԱՊԿ-ում աշխատանքի «սառեցման» մասին Հայաստանը եղել և մնում է դաշնակից․ ՀԱՊԿ գլխավոր քարտուղար ՀԱՊԿ գլխավոր քարտուղարի հարցը կորոշվի մայիսի 22-ին ՀԱՊԿ-ի գլխավոր քարտուղարի պաշտոնի անորոշությունը ցավալի է կազմակերպության համար ՀԱՊԿ գլխավոր քարտուղարի նշանակման հարցը կարող է լուծվել ավելի շուտ