Նորաթուխ հայ պաշտոնյաները «զարմացնում» են ադրբեջանցիներին
Ադրբեջանական լրատվամիջոցներից մեկի վերլուծաբանը բավական ծավալուն հոդվածով անդրադարձել է հայ խորհրդարանականներին:
«Մի քանի օր է անցել Հայաստանի նորընտիր խորհրդարանի աշխատանքներից, բայց արդեն Հայաստանում սկսել են հասկանալ, որ նոր խորհրդարանի հետ ինչ որ բան այնպես չէ: Եղավ կռիվ, եղան Իրանի ավտորիտար լինելու մասին տարօրինակ (Հայաստանի համար) հայտարարություններ»,- գրում է ադրբեջանցի հոդվածագիրը:
Նրա աչքից չի վրիպել նաեւ խորհրդարանի փոխխոսնակ Լենա Նազարյանի այն հայտարարությունը, թե հայտարարություն չի տա նրանց, ովքեր իրեն նկարում են հեռախոսով եւ ոչ պրոֆեսիոնալ խցիկով:
Բնականաբար, ադրբեջանական լրատվամիջոցը չէր կարող չանդրադառնալ Նիկոլ Փաշինյանի լայվերին եւ նրա ընկնող վարկանիշին, բայց հոդվածագրի մեխը Հայաստանի արտաքին քաղաքականությունն է եւ ներկայիս ԱԺ նախագահի եւ նրա տեղակալներից մեկի մի քանի տարի արած հայտարարություններին:
«Արարատ Միրզոյանը ռուսաստանյան հատուկ ծառայությունների մասին քննադատական մտքի հեղինակն է: Կարդացեք, թե ինչպես էր նա հեգնում ռուսաստանյան հատուկ ծառայությունների ոչ պրոֆեսիոնալիզմը»:
«Ահա եւ Ալեն Սիմոնյանը: Նա դարձել է փոխխոսնակ: Նախկինում նա աչքի է ընկել այն հայտարարություններով, թե Ռուսաստանի նախագահ Վլադիմիր Պուտինը «սպանում» է Ռուսաստանը: Ցանկանալով հաջողություններ Ալեքսանդր Նավալնուն՝ արտահամակարգային ռուսաստանցի ընդդիմադիր գործչին, եւ հեգնանքով նկատում, որ S&P գործակալությունը Ռուսաստանի վարկանիշը դասակարգել է «աղբային» աստիճանի: Իսկ երկու տարի առաջ նա բացահայտ կոչ էր անում աջակցել Նավալնուն»,- գրում է ադրբեջանցի վերլուծաբանը, իսկ վերջում ավելացնում՝ ահա այսպիսին է այժմ Հայաստանի իսթեբլիշմենտը:
«Օրերս հայ երգահան եւ երգիչ Ռուբեն Հախվերդյանն ասել է, թե Քիմ Քարդաշյանն իր հետույքով Հայաստանի համար ավելին է արել, քան հայաստանյան մի շարք կուսակցություններ: Հավանաբար Քարդաշյանը պետք է Սիմոնյանի եւ Միրզոյանի փոխարեն պատգամավոր դառնար: Այս դեպքում խորհրդարանի նիստերն ավելի արդյունավետ կլինեին»,- ավարտում է հոդվածը մեր հարեւան երկրի պարբերականը:
Իսկ մենք ցավով անդրադառնալով այս հրապարակմանը հույս ենք հայտնում, որ իր վերջո Հայաստանում կհաղթի բանականությունը, լրջությունը եւ ողջախոհությունը:
Top-News.am
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Մակրոնը և Սթարմերը Ուկրաինայի հարցով հանդիպում են հրավիրել
ԱՄՆ-ի գործողությունները Հորմուզի նեղուցում փակուղի են. Արաղչի
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Վահագն Խաչատուրյանը և Նիկոլ Փաշինյանը պարգևատրվել են Ֆրանսիայի Պատվո լեգեոն-Մեծ խաչ շքանշանով, Մակրո...
ԿԸՀ-ն սահմանել է նախընտրական քարոզչության ժամանակ հեռարձակողների կողմից եթերաժամ տրամադրելու կարգը
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա