Ադրբեջանն իրավունք չունի հրահանգել Ռուսաստանին. ՌԴ ԱԳՆ-ն Ադրբեջանի ԱԳՆ-ին
Ռուսաստանի ԱԳՆ-ը մեկնաբանել է ադրբեջանական արտաքին քաղաքական գերատեսչության պատասխանն ազգությամբ հայ ՌԴ քաղաքացիների մուտքը Ադրբեջան արգելելու հարցով հայտարարությանը՝ անհանգստություն հայտնելով դրա բովանդակության վերաբերյալ, որով պահանջվում էր «չշոշափել» Ադրբեջան ժամանող ռուս քաղաքացիների խտրականության հարցը՝ երկու երկրի հարաբերությունների զարգացման ֆոնին:
ԵԱՏՄ ինստիտուտի տնօրեն Վլադիմիր Լեպեխինը կարծիք է հայտնել, որ ՌԴ ԱԳՆ հայտարարությունը բոլորովին նորմալ է: Փորձագետի կարծիքով՝ այն համապատասխանում է ռուս-հայկական հարաբերությունների ուղղվածությանը, և ոչ մի երկիր աշխարհում, այդ թվում և Ադրբեջանն իրավունք չունի հրահանգել Ռուսաստանին՝ ինչ անել այս կամ այն ազգության հետ հարաբերություններում:
«Եթե դա չվերաբերեր հայկական կողմին, գուցե ԱԳՆ-ն այդքան օպերատիվ չլիներ իր հայտարարություններում: Այնուամենայնիվ, մի կողմից ռուս-ադրբեջանական, մյուս կողմից՝ ռուս-հայկական հարաբերությունները գտնվում են ՌԴ ուշադրության կենտրոնում, այդ իսկ պատճառով ԱԳՆ-ը բավականին օպերատիվ է արձագանքել այդ հարցին՝ ցույց տալով ադրբեջանական կողմին նման հայտարարությունների անթույլատրելիությունը», - РУСАРМИНФО-ին տված հարցազրույցում ասել է Լեպեխինը:
Նրա խոսքով՝ ՌԴ ԱԳՆ-ն այս հարցում ոչ թե կոշտ, այլ հստակ դիրքորոշում է արտահայտել՝ ցույց տալով, որ բավականին ուշադիր հետևում է, թե ինչ է տեղի ունենում ինչպես ռուս-ադրբեջանական, այնպես էլ ռուս-հայկական հարաբերություններում:
Հիշեցնենք, որ Ադրբեջանի ԱԳՆ-ն ավելի վաղ հայտարարել էր, որ անհասկանալի է ՌԴ ԱԳՆ համառությունը ՌԴ հայազգի քաղաքացիների՝ Ադրբեջան մուտք գործելու արգելքի հարցում:
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Մակրոնը և Սթարմերը Ուկրաինայի հարցով հանդիպում են հրավիրել
ԱՄՆ-ի գործողությունները Հորմուզի նեղուցում փակուղի են. Արաղչի
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Վահագն Խաչատուրյանը և Նիկոլ Փաշինյանը պարգևատրվել են Ֆրանսիայի Պատվո լեգեոն-Մեծ խաչ շքանշանով, Մակրո...
ԿԸՀ-ն սահմանել է նախընտրական քարոզչության ժամանակ հեռարձակողների կողմից եթերաժամ տրամադրելու կարգը
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա