Մոսկվան դիվանագիտական էթիկայից դուրս է համարում Բաքվի մեկնաբանությունների տոնը
ՌԴ ԱԳՆ-ն արձագանքել է Բաքվի հայտարարությանը` կապված հայկական արմատներով ռուսական քաղաքացիներին Ադրբեջան չընդունելու հետ: ՌԴ ԱԳՆ-ի հայտարարության մեջ, մասնավորապես, ասվում է.
«Մենք դիվանագիտական էթիկայի սահմաններից դուրս ենք համարում մեկնաբանության տոնը։ Պակաս անհասկանալի չէ դրա բովանդակությունը, որը բերում է Ադրբեջան այցելող ռուսական քաղաքացիների նկատմամբ խտրականության թեման «չծածանելու» պահանջին, որպես իբր պակաս կարեւորի՝ երկկողմ հարաբերությունների դինամիկ զարգացման ֆոնին:
Այս մոտեցումը, անշուշտ, անթույլատրելի է: Ռուսաստանի քաղաքացիների իրավունքների եւ շահերի պաշտպանությունը մեր արտաքին քաղաքականության բացարձակ առաջնահերթություններից մեկն է, որն իրականացվում է Ռուսաստանի Դաշնության նախագահի ղեկավարության ներքո։ Դրա հետ մեկտեղ, երկկողմ բարեկամական հարաբերությունների առկայությունն այս կամ այն երկրում, սովորաբար համարվում է որպես նպաստող գործոն՝ կառուցողական խնդիրների լուծմանը տվյալ ոլորտում:
Գործին ուղղակիորեն չառնչվող ընդհանուր դատողությունների փոխարեն, մենք կցանկանայինք առարկայական բացատրություն լսել ռուսների հետ յուրաքանչյուր միջադեպի վերաբերյալ: Ադրբեջանի ԱԳՆ տերմինաբանությամբ, այդ «մասնավոր դեպքերի» թվում կան նաեւ այնքան աղաղակողները, ինչպես Հայրենական Մեծ պատերազմի, վետերան, բլոկադայի ենթարկված Լենինգրադի 80-ամյա բնակչուհուն 2018թ․-ի մայիսին մուտքի թույտվություն չտրամադրելն է կամ 2017թ․-ին երկիր արգելել մտնելը մի կնոջ, որին իր չորսամյա որդու հետ բազմաթիվ ժամեր պահել են հատուկ վայրում։
Նաեւ մենք ակնկալում ենք պաշտոնական պարզաբանում դիվանագիտական ուղիներով ադրբեջանական կողմից արվող ակնարկների առիթով՝ ռուսական քաղաքացիներին Ադրբեջան այցելելու համար Մոսկվայում Ադրբեջանի դեսպանատան հետ համաձայնեցման անհրաժեշտության մասին, ինչը կարող է խախտում համարվել 1997թ․ հուլիսի 3-ի Ռուսաստանի Դաշնության եւ Ադրբեջանի Հանրապետության քաղաքացիների անվիզա այցելությունների մասին համաձայնագրի։
Կախված ադրբեջանական կողմի բովանդակային արձագանքից՝ մենք կորոշենք մեր հետագա քայլերը»:
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Մակրոնը և Սթարմերը Ուկրաինայի հարցով հանդիպում են հրավիրել
ԱՄՆ-ի գործողությունները Հորմուզի նեղուցում փակուղի են. Արաղչի
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Վահագն Խաչատուրյանը և Նիկոլ Փաշինյանը պարգևատրվել են Ֆրանսիայի Պատվո լեգեոն-Մեծ խաչ շքանշանով, Մակրո...
ԿԸՀ-ն սահմանել է նախընտրական քարոզչության ժամանակ հեռարձակողների կողմից եթերաժամ տրամադրելու կարգը
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա