Եվրոպայի լիգա. Հենրիխ Մխիթարյանը «Մանչեսթեր Յունայթեդին» օգնեց դուրս գալ քառորդ եզրափակիչ
«Մանչեսթեր Յունայթեդը» նվաճեց ֆուտբոլի Եվրոպայի լիգայի քառորդ եզրափակիչի ուղեգիր: 1/8 եզրափակիչի պատասխան խաղում անգլիական ակումբը տանը նվազագույն հաշվով հաղթեց «Ռոստովին», որի հետ ոչ ոքի էր խաղացել Ռուսաստանում (1:1):
Հայաստանի հավաքականի կիսապաշտպան Հենրիխ Մխիթարյանը խաղը սկսել էր դաշտի տերերի մեկնարկային կազմում: Անգլիական ակումբը մեծ առավելություն ուներ հենց սկզբից, սակայն առաջին իրական գոլային պահը ստեղծեց միայն 30-րդ րոպեին: Հենրիխ Մխիթարյանը մեն-մենակ դուրս եկավ դարպասապահի դեմ, բայց չկարողացավ գրավել դարպասը: 4 րոպե անց հաշիվը բացելուն մոտ էր «Մանչեսթեր Յունայթեդի» շվեդ հարձակվող Զլատան Իբրահիմովիչը, որի հարվածից հետո գնդակը հետ մղվեց դարպասաձողից: Խաղակեսի վերջնամասում «Ռոստովի» դարպասապահին անհանգստացրեց նաեւ Պոլ Պոգբան եւ թիմերն ընդմիջման գնացին 0:0 հաշվի ժամանակ:
Երկրորդ խաղակեսում «Ռոստովը» սկսել էր ավելի հաճախ գրոհել եւ մի քանի վտանգավոր պահ ստեղծեց մրցակցի դարպասի մոտ: «Մանչեսթեր Յունայթեդը» նվազեցրել էր ճնշումը, բայց 70-րդ րոպեին բացեց հաշիվը: Հյուրերը կենտրոնում կորցրին գնդակը, իսկ «Մանչեսթեր Յունայթեդն» արագ հակագրոհ անցկացրեց Հենրիխ Մխիթարյանի մասնակցությամբ եւ խփեց գոլ: Աչքի ընկավ իսպանացի կիսապաշտպան Խուան Մատան: Վերջնամասում մանչեսթերցիները պահպանեցին հաղթական հաշիվը, իսկ Հենրիխ Մխիթարյանը խաղաց առանց փոխարինման:
25-ամյա կիսապաշտպան Խորեն Բայրամյանը Ռուսաստանի փոխչեմպիոնի մեկնարկային կազմում խաղաց 82 րոպե: «Ռոստովն» ուներ կադրային լուրջ խնդիրներ: Իվան Դանիլյանցի գլխավորած թիմի փոխարինողների թվում կային ընդամենը 4 ֆուտբոլիստներ՝ մեկական դարպասապահ ու պաշտպան եւ 2 հարձակվող:
Քառորդ եզրափակիչի ուղեգիր նվաճեցին նաեւ Վիգոյի «Սելտան», Ստամբուլի «Բեշիկթաշը», բելգիական «Գենկը» եւ «Անդերլեխտը», Գելզենկիրխենի «Շալկեն», Ամստերդամի «Այաքսը» եւ ֆրանսիական «Լիոնը», որը պայքարից դուրս թողեց իտալական «Ռոմային»:
Եվրոպայի լիգայի քառորդ եզրափակիչի զույգերը որոշվելու են վիճակահանությամբ, որը կկայանա մարտի 17-ին:
Եվրոպայի լիգա, 1/8 եզրափակիչ, պատասխան խաղեր
«Մանչեսթեր Յունայթեդ» (Անգլիա) - «Ռոստով» (Ռուսաստան)՝ 1:0 (առաջին խաղ՝ 1:1)
Խուան Մատա, 70
«Ռոմա» (Իտալիա) - «Լիոն» (Ֆրանսիա)՝ 2:1 (առաջին խաղ՝ 2:4)
Կեւին Ստրոտման, 18, Լուկաս Տուսարտ, 60 (ինքնագոլ) – Մուխտար Դիխաբի, 16
«Անդերլեխտ» (Բելգիա) - ԱՊՕԵԼ (Կիպրոս)՝ 1:0 (առաջին խաղ՝ 1:0)
Ֆրանկ Աչեմպոնգ, 65
«Այաքս» (Հոլանդիա) - «Կոպենհագեն» (Դանիա)՝ 2:0 (առաջին խաղ՝ 1:2)
Բերտրան Տրաորե, 23, Կասպեր Դոլբերգ, 45+2
«Բորուսիա Մյոնխենգլադբախ» (Գերմանիա) - «Շալկե» (Գերմանիա)՝ 2:2 (առաջին խաղ՝ 1:1)
Անդրեաս Կրիստենսեն, 26, Մահմուդ Դահուդ, 45+2 – Լեոն Գորեցկա, 54, Նաբիլ Բենտալեբ, 68 (11մ)
«Կրասնոդար» (Ռուսաստան) - «Սելտա» (Իսպանիա)՝ 0:2 (առաջին խաղ՝ 1:2)
Հուգո Մալո, 52, Յագո Ասպաս, 80
Հեռացում՝ Շառլ Կաբորե, 86 («Կրասնոդար»)
«Բեշիկթաշ» (Թուրքիա) - «Օլիմպիակոս» (Հունաստան)՝ 4:1 (առաջին խաղ՝ 1:1)
Վենսան Աբուբաքար, 10, Ռայան Բաբել, 22, 75, Չենկ Տոսուն, 84 – Տարիկ Էլյունուսի, 31
Հեռացում՝ Վենսան Աբուբաքար, 40 («Բեշիկթաշ»)
«Գենկ» (Բելգիա) - «Գենտ» (Բելգիա)՝ 1:1 (առաջին խաղ՝ 5:2)
Տիմոտի Կաստանե, 20 - Լուիս Վեստրատե, 84
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Մակրոնը և Սթարմերը Ուկրաինայի հարցով հանդիպում են հրավիրել
ԱՄՆ-ի գործողությունները Հորմուզի նեղուցում փակուղի են. Արաղչի
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Վահագն Խաչատուրյանը և Նիկոլ Փաշինյանը պարգևատրվել են Ֆրանսիայի Պատվո լեգեոն-Մեծ խաչ շքանշանով, Մակրո...
ԿԸՀ-ն սահմանել է նախընտրական քարոզչության ժամանակ հեռարձակողների կողմից եթերաժամ տրամադրելու կարգը
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա