22-ամյա աղջիկը հավակնում է գյուղապետ դառնալ
Թուրքիայի Թունջելի (Դերսիմ) նահանգի Օվաջըք շրջանում 22-ամյա Շիլան Ասլանը հավակնում է գյուղապետ դառնալ: Աղջիկն արդեն հայտնել է, որ աշխատավարձը կծախսի կիսատ թողած ուսումը շարունակելու համար, գրում է gazeteduvar.com.tr կայքը:
2019 թվականի մարտի 31-ին Թուրքիայում կայանալիք տեղական ինքնակառավարման մարմինների ընտրություններին մասնակցության հայտ ներկայացրած ու իր թեկնածությունն առաջադրած Ասլանը խոստանում է, որ ընտրվելու դեպքում հարազատ Բուզլութեփե գյուղի բոլոր երեխաները կկարողանան դպրոց ու մանկապարտեզ հաճախել:
«Մանկապարտեզը շատ հեռու է, և շատ երեխաներ չեն կարողանում այն հաճախել: Ես մեծ կարևորություն եմ տալիս նախադպրոցական կրթությանը: Ավագ դպրոցում սովորելիս 10 ամիս երեխաների հետ աշխատեցի որպես ուսուցիչ: Եթե այստեղ հարմար պայմաններ ստեղծվեն՝ ես էլ կկարողանամ դաս տալ գյուղի երեխաներին», - նշել է Դերսիմում գյուղապետի առաջին կին թեկնածուն:
Շիլան Ասլանը նաև նշել է, որ կցանկանար ՏԻՄ ընտրություններում ավելի ակտիվ տեսնել երկրի կանանց՝ կոչ անելով նրանց վստահել իրենց ուժերին:
«Այն ամենը, ինչին դիպչում է կինը՝ գեղեցկանում է: Թող կանայք գիտակցեն, թե ինչի են ընդունակ: Իրենք իրենց որոշ բաներից զրկող, վստահ քայլեր կատարելուց քաշվող կանայք պետք է գիտակցեն դա ու լինեն իշխանության կազմում», - ասել է գյուղապետի 22-ամյա թեկնածուն:
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Մակրոնը և Սթարմերը Ուկրաինայի հարցով հանդիպում են հրավիրել
ԱՄՆ-ի գործողությունները Հորմուզի նեղուցում փակուղի են. Արաղչի
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Վահագն Խաչատուրյանը և Նիկոլ Փաշինյանը պարգևատրվել են Ֆրանսիայի Պատվո լեգեոն-Մեծ խաչ շքանշանով, Մակրո...
ԿԸՀ-ն սահմանել է նախընտրական քարոզչության ժամանակ հեռարձակողների կողմից եթերաժամ տրամադրելու կարգը
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա