Ադրբեջանին այնքան երես տվին, որ սկսել է հրահանգավորել Ռուսաստանի իշխանություններին

Ադրբեջանում իարանցում էր առաջացրել ԼՂՀ նախագահ Բակո Սահակյանի այցը Ռուսաստան: Բնականաբար, Ադրբեջանը պարզաբանում էր պահանջել ռուսական կողմից:

ՌԴ ԱԳ նախարարությունն էլ հայտարարել է, թե Բակո Սահակյանը Ռուսաստանում եղել է մասնավոր այցով եւ հանգստացել Բայկալում: 

Ադրբեջանի ԱԳ նախարարության մամուլի խոսնակ Լեյլա Աբդուլլաեւային զայրացրել է Մարիա Զախարովի պարզաբանումը եւ նա պնդել է, թե որպես ԼՂՀ նախագահ Բակո Սահակյանը հանդիպումներ է ունեցել Մոսկվայում:

Մարիա Զախարովայի տարածած հայտարարությունում շեշտվում է, թե Բակո Սահակյանի այցը չի հակասում 1997թ, ստորագրված ռուս-ադրբեջանական պայմանագրի դրույթներին:

Լեյլա Աբդուլաեւան, որպես երես առած երկրի արտգործանախարարության ներկայացուցիչ, հարկ է համարել Ռուսաստանին հրահանգավորել, թե ինչ եւ ինչպես պետք է անել, ասելով, թե նույն պայմանագրում նշված է, թե կողմերը պարտավորվում են չաջակցել անջատողական շարժումներին, ինչպես նաեւ արգելում են եւ կանխում այն անհատների գործունեությունը, որոնք գործում են ընդդեմ երկրի ինքնիշխանության, տարածքային ամբողջականության եւ անկախության:

Աբդուլլաեւան այլ դասեր եւս տվել է Զախարովաեւին, այդպես էլ չհասկանալով, որ եթե Ռուսաստանը Արցախը, Լեռնային Ղարաբաղը համարեր «անջատողական շարժում», իսկ Արցախը Ադրբեջանի մաս, ապա Բակո Սահակյանը Ռուսաստան չէր մեկնի:

Ի դեպ, Զախարովան նաեւ շեշտել է, թե Բակո Սահակյանի այցը Ռուսաստան չի հակասում որպես համանախագահ Ռուսաստանի ստանձնած պարտավորություններին:

Վարդան Մխիթարյան

Top-News.am