Հեղաշրջման փորձի համար մեղադրվող Գյուլենն ԱՄՆ-ն լքել չի պատրաստվում
Ամերիկաբնակ թուրք կրոնական քարոզիչ, «Հիզմեթ» կրոնական շարժման հիմնադիր ու ղեկավար Ֆեթուլլահ Գյուլենն իր բնակության վայրը փոխել չի պատրաստվում, նա շարունակում է ապրել ԱՄՆ Փենսիլվանիա նահանգում: Այդ մասին «ՌԻԱ Նովոստի» գործակալությանը հայտնել է գյուլենական շարժման «կորիզը» համարվող Alliance for Shared Values կազմակերպության տնօրեն Ալփ Ասլանդողանը:
Գյուլենը Թուրքիայում մեղադրվում է 2016 թվականին տեղի ունեցած ռազմական հեղաշրջման փորձի կազմակերպման համար: Թուրքիան պարբերաբար պահանջել է Գյուլենի արտահանձնումն ԱՄՆ-ից, սակայն՝ դեռևս ապարդյուն:
Այս տարվա հոկտեմբերի 3-ին անհայտ անձը փորձել էր ներթափանցել Գյուլենի տան տարածք: Անվտանգության աշխատակցի նախազգուշական կրակոցից հետո տղամարդը փախուստի էր դիմել: Միջադեպի հետևանքով ոչ ոք չէր տուժել:
«Գյուլենն ապրում է Փենսիլվանիայում գրեթե երկու տասնամյակ և չի պատրաստվում փոխել իր բնակության վայրը», - ասել է Գյուլենի աջակից Ասլանդողանը՝ միաժամանակ չբացառելով, որ հարձակման փորձը նախաձեռնվել է թուրքական իշխանությունների անմիջական մասնակցությամբ:
Օրերս ԱՄՆ նախագահ Դոնալդ Թրամփը հերքել է լրատվամիջոցներում տարածված լուրերն այն մասին, թե ԱՄՆ-ն պատրաստվում է Թուրքիային արտահանձնել Ֆեթուլլահ Գյուլենին:
Ավելի վաղ մամուլում հայտնվել էին լուրեր, ըստ որոնց՝ ԱՄՆ-ն կարող է դիտարկել Գյուլենի արտահանձնումը որպես Ստամբուլում Սաուդյան Արաբիայի հյուպատոսարանում ընդդիմադիր լրագրող Ջամալ Խաշոգջիի սպանության գործի ֆոնին Էր Ռիադի ու Անկարայի միջև առաջացած ճգնաժամը հարթելու միջոց:
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Մակրոնը և Սթարմերը Ուկրաինայի հարցով հանդիպում են հրավիրել
ԱՄՆ-ի գործողությունները Հորմուզի նեղուցում փակուղի են. Արաղչի
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Վահագն Խաչատուրյանը և Նիկոլ Փաշինյանը պարգևատրվել են Ֆրանսիայի Պատվո լեգեոն-Մեծ խաչ շքանշանով, Մակրո...
ԿԸՀ-ն սահմանել է նախընտրական քարոզչության ժամանակ հեռարձակողների կողմից եթերաժամ տրամադրելու կարգը
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա